18 shlokas
- 1
अथातः सौभाग्यानाम्
athātaḥ saubhāgyānām
- 2
यद् इन्द्रो अनयद् उच्चा ते जातम् अन्धस इति नवमदशमे एतेषाम् एकम् अनेकं वा सर्वाणि वा प्रयुञ्जानः सुभगो भवति
yad indro anayad uccā te jātam andhasa iti navamadaśame eteṣām ekam anekaṃ vā sarvāṇi vā prayuñjānaḥ subhago bhavati
- 3
द्वन्द्वाद्यायाः सप्तमाष्टमाभ्याम् इन्द्राणीं सदा तर्पयन्सुभगो भवति
dvandvādyāyāḥ saptamāṣṭamābhyām indrāṇīṃ sadā tarpayansubhago bhavati
- 4
अपामार्गं दन्तपावनं घृतमधुलिप्तं भद्रो नो अग्निर् आहुत इत्य् एतेनानिष्ठीवन्संवत्सरं भक्षयन्सुभगो भवति
apāmārgaṃ dantapāvanaṃ ghṛtamadhuliptaṃ bhadro no agnir āhuta ity etenāniṣṭhīvansaṃvatsaraṃ bhakṣayansubhago bhavati
- 5
भगो न चित्र इत्य् एताभ्याम् अञ्जयन्सुभगो भवति
bhago na citra ity etābhyām añjayansubhago bhavati
- 6
इमम् इन्द्रेति वर्गं प्रयुञ्जानः सर्वजनस्य प्रियो भवति
imam indreti vargaṃ prayuñjānaḥ sarvajanasya priyo bhavati
- 7
परि प्रिया दिवः कविर् इत्य् एते यां कामयेत्तां श्रावयेत्
कामयते हैनम्
pari priyā divaḥ kavir ity ete yāṃ kāmayettāṃ śrāvayet
kāmayate hainam
- 8
अथ यास्य न गुणी स्यात्तां ब्रूयाद् आचामेतीन्द्रो विश्वस्य राजतीत्य् एताभ्याम् आचामेत्
atha yāsya na guṇī syāttāṃ brūyād ācāmetīndro viśvasya rājatīty etābhyām ācāmet
- 9
पदपांसून्वास्या अग्नौ जुहुयाद् एते पन्था अधो दिव इति
padapāṃsūnvāsyā agnau juhuyād ete panthā adho diva iti
- 10
तैलं वैनां याचित्वा पाणी परिमृद्नन्न् अग्नौ प्रतापयेद् अग्न आयाहि वीतय इति द्वितीयेन
नानागतायां विरमेत्
tailaṃ vaināṃ yācitvā pāṇī parimṛdnann agnau pratāpayed agna āyāhi vītaya iti dvitīyena
nānāgatāyāṃ viramet
- 11
गोजरायुकम् अहस्तस्पृष्टं शोषयित्वा प्रियङ्गुकां सहां सहदेवामध्यण्डां भूमिपाशकां सचाङ्काचपुष्पीम् इत्य् एता उत्थाप्य तद् अहश्चूर्णानि कारयेद् आ नो विश्वासु हव्यम् इत्य् एतेन त्रिः संपातांश्चूर्णेषु कृत्वाग्न आयाहि वीतय इति रहस्येन अद्भिः संयूय तानि नाशुचिः पश्येद्वोपस्पृशेद्वा तद् अनुलेपनम्
तेनानुलिप्तो यां याम् उपस्पृशते सा सैनं कामयते
gojarāyukam ahastaspṛṣṭaṃ śoṣayitvā priyaṅgukāṃ sahāṃ sahadevāmadhyaṇḍāṃ bhūmipāśakāṃ sacāṅkācapuṣpīm ity etā utthāpya tad ahaścūrṇāni kārayed ā no viśvāsu havyam ity etena triḥ saṃpātāṃścūrṇeṣu kṛtvāgna āyāhi vītaya iti rahasyena adbhiḥ saṃyūya tāni nāśuciḥ paśyedvopaspṛśedvā tad anulepanam
tenānulipto yāṃ yām upaspṛśate sā sainaṃ kāmayate
- 12
गम्यां नास्नात उपस्पृशेत्
gamyāṃ nāsnāta upaspṛśet
- 13
उत्पले बुद्धे प्रियङ्गुका आवपेत्
यदा पर्णानि संहरेद् अथैनम् उत्थाप्य चतुरङ्गुलम् उभयतः परिच्छिद्य मध्यम् उद्धरेत्
तद् अनुलेपनम्
तेनानुलिम्पेद् अवांशं च नि त्वा नक्ष्य विश्पत इत्य् एतेनास्य वेशस्थाः प्रव्रजिताश्च वश्या भवन्ति
utpale buddhe priyaṅgukā āvapet
yadā parṇāni saṃhared athainam utthāpya caturaṅgulam ubhayataḥ paricchidya madhyam uddharet
tad anulepanam
tenānulimped avāṃśaṃ ca ni tvā nakṣya viśpata ity etenāsya veśasthāḥ pravrajitāśca vaśyā bhavanti
- 14
कन्याप्रवहण एकरात्रोपोषितो ऽमावास्यायां निशि चतुष्पथ एह्य् ऊ षु ब्रवाणि त इत्य् एतेनाभिषिञ्चेत्त्रिर् अभिषिक्ता प्रदीयते
kanyāpravahaṇa ekarātropoṣito 'māvāsyāyāṃ niśi catuṣpatha ehy ū ṣu bravāṇi ta ity etenābhiṣiñcettrir abhiṣiktā pradīyate
- 15
आ ते वत्सा इति पुंसः
ā te vatsā iti puṃsaḥ
- 16
त्रिरात्रोपोषितः कृष्णाचतुर्दश्यां शवाद् अङ्गारम् आहृत्य चतुष्पथे बाधकम् इध्मम् उपसमाधाय मत्स्यं कृकरम् इत्य् एतौ जुहुयात्
अग्ने मृड महाꣳ असीति पूर्वेणाग्निर्वृत्रेति द्वितीयाम्
ते आहुती कोशे कृत्वा हरितालेन गोहृदयशोणितेन चोत्तरेण संनयेद्यं द्विष्यात्प्रमंहिष्ठीयेनास्य शय्याम् अवकिरेत् अगारं च भस्मना
नैकग्रामे वसति
trirātropoṣitaḥ kṛṣṇācaturdaśyāṃ śavād aṅgāram āhṛtya catuṣpathe bādhakam idhmam upasamādhāya matsyaṃ kṛkaram ity etau juhuyāt
agne mṛḍa mahām̐ asīti pūrveṇāgnirvṛtreti dvitīyām
te āhutī kośe kṛtvā haritālena gohṛdayaśoṇitena cottareṇa saṃnayedyaṃ dviṣyātpramaṃhiṣṭhīyenāsya śayyām avakiret agāraṃ ca bhasmanā
naikagrāme vasati
- 17
अथातो यशस्यानां त्वम् इन्द्रयशा असि पवते हर्यतो हरिर् इत्य् एतेषाम् एकम् अनेकं वा सर्वाणि वा प्रयुञ्जानो यशस्वी भवति
athāto yaśasyānāṃ tvam indrayaśā asi pavate haryato harir ity eteṣām ekam anekaṃ vā sarvāṇi vā prayuñjāno yaśasvī bhavati
- 18
प्रियङ्गुका वा पुष्येणाभिजुहुयात्यशो मेति
तद् अनुलेपनम्
तेनानुलिम्पेत्संवत्सरम्
यशस्वी भवति
यशस्वी भवति
priyaṅgukā vā puṣyeṇābhijuhuyātyaśo meti
tad anulepanam
tenānulimpetsaṃvatsaram
yaśasvī bhavati
yaśasvī bhavati

