वसोद्वराणामिन्द्रनगरं तदसुराः पर्यवारयन्त । ते देवा भीता आसन । क इमानसुरान् हनिष्यतीति । तमोङ्कारं ब्रह्मणः पुत्रं ज्येष्ठं ददृशुस्ते तमब्रुवन् । भवता मुख्येनेमानसुरान् जयेमेति । स होवाच किं मे प्रतीवाहो भविष्यतीति । वरं वृणीष्वेति । वृण इति । स वरमवृणीत । "न मामनीरयित्वा ब्राह्मणा ब्रह्म वदेयुर्यदि वदेयुरब्रह्म तत्स्यात्" इति । तथेति ते देवा देवयजनस्योत्तरार्धेऽसुरैः संयत्ता आसंस्तानोङ्कारेणाग्नीधीयादेवा असुरान् पराभावयन्त । तद्यत्पराभावयन्त तस्मादोङ्कारः पूर्वमुच्चार्यते । यो ह वा एतमोङ्कारं न वेदावश्यः स्यादित्यथ य एवं वेद ब्रह्मवशः स्यादिति तस्मादोङ्कार ऋग्भवति यजुषि यजुः साम्नि साम सूत्रे सूत्रं ब्राह्मणे ब्राह्मणं लोके श्लोकः प्रणवे प्रणव इति ब्राह्मणम् ॥
Transliteration
vasodvarāṇāmindranagaraṃ tadasurāḥ paryavārayanta | te devā bhītā āsana | ka imānasurān haniṣyatīti | tamoṅkāraṃ brahmaṇaḥ putraṃ jyeṣṭhaṃ dadṛśuste tamabruvan | bhavatā mukhyenemānasurān jayemeti | sa hovāca kiṃ me pratīvāho bhaviṣyatīti | varaṃ vṛṇīṣveti | vṛṇa iti | sa varamavṛṇīta | "na māmanīrayitvā brāhmaṇā brahma vadeyuryadi vadeyurabrahma tatsyāt" iti | tatheti te devā devayajanasyottarārdhe'suraiḥ saṃyattā āsaṃstānoṅkāreṇāgnīdhīyādevā asurān parābhāvayanta | tadyatparābhāvayanta tasmādoṅkāraḥ pūrvamuccāryate | yo ha vā etamoṅkāraṃ na vedāvaśyaḥ syādityatha ya evaṃ veda brahmavaśaḥ syāditi tasmādoṅkāra ṛgbhavati yajuṣi yajuḥ sāmni sāma sūtre sūtraṃ brāhmaṇe brāhmaṇaṃ loke ślokaḥ praṇave praṇava iti brāhmaṇam ||
By System Admin
Translation
Draft in progress