3 shlokas
- 1
षोडशभ्यो हिंकरोति स तिसृभिः स द्वादशभिः स एकया षोडशभ्यो हिंकरोति स एकया स तिसृभिः स द्वादशभिः षोडशभ्यो हिंकरोति स द्वादशभिः स एकया स तिसृभिः
ṣoḍaśabhyo hiṃkaroti sa tisṛbhiḥ sa dvādaśabhiḥ sa ekayā ṣoḍaśabhyo hiṃkaroti sa ekayā sa tisṛbhiḥ sa dvādaśabhiḥ ṣoḍaśabhyo hiṃkaroti sa dvādaśabhiḥ sa ekayā sa tisṛbhiḥ
- 2
अन्तो वा अष्टाचत्वारिंशः पशवश्छन्दोमा यत्षोडशभ्यः षोडशभ्यो हिंकरोति षोडशकलाः पशवः कलाशस्तत्पशून् आप्नोति
anto vā aṣṭācatvāriṃśaḥ paśavaśchandomā yatṣoḍaśabhyaḥ ṣoḍaśabhyo hiṃkaroti ṣoḍaśakalāḥ paśavaḥ kalāśastatpaśūn āpnoti
- 3
द्वादशभिर्विहितैका परिचरा द्वादश मासाः संवत्सरो यजमानः परिचरा यद्द्वादशभिर्विदधात्य् एका परिचरा भवति यजमानम् एव तद् अन्ततस्संवत्सरे पशुषु प्रतिष्ठापयत्य् एषा वै प्रतिष्ठिताष्टाचत्वारिंशस्य विष्टुतिः प्रतितिष्ठति य एतया स्तुते
dvādaśabhirvihitaikā paricarā dvādaśa māsāḥ saṃvatsaro yajamānaḥ paricarā yaddvādaśabhirvidadhāty ekā paricarā bhavati yajamānam eva tad antatassaṃvatsare paśuṣu pratiṣṭhāpayaty eṣā vai pratiṣṭhitāṣṭācatvāriṃśasya viṣṭutiḥ pratitiṣṭhati ya etayā stute

