25 shlokas
- 1
प्रतिज्ञाहानिः प्रतिज्ञान्तरं प्रतिज्ञाविरोधः प्रतिज्ञासंन्यासो हेत्वन्तरम् अर्थान्तरं निरर्थकम् अविज्ञातार्थम् अपार्थकम् अप्राप्तकालं न्यूनम् अधिकं पुनरुक्तम् अननुभाषणम् अज्ञानम् अप्रतिभा विक्षेपो मतानुज्ञा पर्यनुयोज्योपेक्षणं निरनुयोज्यानुयोगो ऽपसिद्धान्तो हेत्वाभासाश्च निग्रहस्थानानि
pratijñāhāniḥ pratijñāntaraṃ pratijñāvirodhaḥ pratijñāsaṃnyāso hetvantaram arthāntaraṃ nirarthakam avijñātārtham apārthakam aprāptakālaṃ nyūnam adhikaṃ punaruktam ananubhāṣaṇam ajñānam apratibhā vikṣepo matānujñā paryanuyojyopekṣaṇaṃ niranuyojyānuyogo 'pasiddhānto hetvābhāsāśca nigrahasthānāni
- 2
प्रतिदृष्टान्तधर्माभ्यनुज्ञा स्वदृष्टान्ते प्रतिज्ञाहानिः
pratidṛṣṭāntadharmābhyanujñā svadṛṣṭānte pratijñāhāniḥ
- 3
प्रतिज्ञातार्थप्रतिषेधधर्मविकल्पात्तदर्थनिर्देशः प्रतिज्ञान्तरम्
pratijñātārthapratiṣedhadharmavikalpāttadarthanirdeśaḥ pratijñāntaram
- 4
प्रतिज्ञाहेत्वोर्विरोधः प्रतिज्ञाविरोधः
pratijñāhetvorvirodhaḥ pratijñāvirodhaḥ
- 5
पक्षप्रतिषेधे प्रतिज्ञातार्थापनयनं प्रतिज्ञासंन्यासः
pakṣapratiṣedhe pratijñātārthāpanayanaṃ pratijñāsaṃnyāsaḥ
- 6
अविशेषोक्ते हेतौ प्रतिषिद्धे विशेषमिच्छतो हेत्वन्तरम्
aviśeṣokte hetau pratiṣiddhe viśeṣamicchato hetvantaram
- 7
प्रकृतादर्थाद् अप्रतिसम्बद्धार्थम् अर्थान्तरम्
prakṛtādarthād apratisambaddhārtham arthāntaram
- 8
वर्णक्रमनिर्देशवन्निरर्थकम्
varṇakramanirdeśavannirarthakam
- 9
परिषत्प्रतिवादिभ्यां त्रिरभिहितम् अप्य् अविज्ञातम् अविज्ञातार्थम्
pariṣatprativādibhyāṃ trirabhihitam apy avijñātam avijñātārtham
- 10
पौर्वापर्यायोगाद् अप्रतिसम्बद्धार्थम् अपार्थकम्
paurvāparyāyogād apratisambaddhārtham apārthakam
- 11
अवयवविपर्यासवचनम् अप्राप्तकालम्
avayavaviparyāsavacanam aprāptakālam
- 12
हीनम् अन्यतमेनाप्यवयवेन न्यूनम्
hīnam anyatamenāpyavayavena nyūnam
- 13
हेतूदाहरणाधिकम् अधिकम्
hetūdāharaṇādhikam adhikam
- 14
शब्दार्थयोः पुनर्वचनं पुनरुक्तम् अन्यत्रानुवादात्
śabdārthayoḥ punarvacanaṃ punaruktam anyatrānuvādāt
- 15
अनुवादे तु अपुनरुक्तं शब्दाभ्यासात् अर्थविशेषोपपत्तेः
anuvāde tu apunaruktaṃ śabdābhyāsāt arthaviśeṣopapatteḥ
- 16
अर्थात् आपन्नस्य स्वशब्देन पुनर्वचनम्
arthāt āpannasya svaśabdena punarvacanam
- 17
विज्ञातस्य परिषदा त्रिर् अभिहितस्यापि अप्रत्युच्चारणम् अननुभाषणम्
vijñātasya pariṣadā trir abhihitasyāpi apratyuccāraṇam ananubhāṣaṇam
- 18
अविज्ञातं चाज्ञानम्
avijñātaṃ cājñānam
- 19
उत्तरस्याप्रतिपत्तिर् अप्रतिभा
uttarasyāpratipattir apratibhā
- 20
कार्यव्यासङ्गात्कथाविच्छेदो विक्षेपः
kāryavyāsaṅgātkathāvicchedo vikṣepaḥ
- 21
स्वपक्षे दोषाभ्युपगमात्परपक्षे दोषप्रसङ्गो मतानुज्ञा
svapakṣe doṣābhyupagamātparapakṣe doṣaprasaṅgo matānujñā
- 22
निग्रहस्थानप्राप्तस्यानिग्रहः पर्यनुयोज्योपेक्षणम्
nigrahasthānaprāptasyānigrahaḥ paryanuyojyopekṣaṇam
- 23
अनिग्रहस्थाने निग्रहस्थानाभियोगो निरनुयोज्यानुयोगः
anigrahasthāne nigrahasthānābhiyogo niranuyojyānuyogaḥ
- 24
सिद्धान्तम् अभ्युपेत्यानियमात्कथाप्रसङ्गः अपसिद्धान्तः
siddhāntam abhyupetyāniyamātkathāprasaṅgaḥ apasiddhāntaḥ
- 25
हेत्वाभासाश्च यथोक्ताः
hetvābhāsāśca yathoktāḥ

