5 shlokas
- 1
विद्या ह वै ब्राह्मणम् आजगाम गोपाय मा शेवधिष्टे ऽहम् अस्मि
असूयकायानृजवे ऽयताय न मां ब्रूया वीर्यवती तथा स्याम्
vidyā ha vai brāhmaṇam ājagāma gopāya mā śevadhiṣṭe 'ham asmi
asūyakāyānṛjave 'yatāya na māṃ brūyā vīryavatī tathā syām
- 2
य आतृणत्त्य् अवितथेन कर्णाव् अदुःखम्कुर्वन्न् अमृतं सम्प्रयच्छन्
तं मन्येत पितरं मातरं च तस्मै न द्रुह्येत्कतमच्चनाह
ya ātṛṇatty avitathena karṇāv aduḥkhamkurvann amṛtaṃ samprayacchan
taṃ manyeta pitaraṃ mātaraṃ ca tasmai na druhyetkatamaccanāha
- 3
अध्यापिता ये गुरुं नाद्रियन्ते विप्रा वाचा मनसा कर्मणा वा
यथैव ते न गुरोर्भोजनीयास्तथैव तान्न भुनक्ति श्रुतं तत्
adhyāpitā ye guruṃ nādriyante viprā vācā manasā karmaṇā vā
yathaiva te na gurorbhojanīyāstathaiva tānna bhunakti śrutaṃ tat
- 4
यम् एव विद्याः शुचिम् अप्रमत्तं मेधाविनं ब्रह्मचर्योपपन्नम्
यस्ते न द्रुह्येत्कतमच्चनाह तस्मै मा ब्रूया निधिपाय ब्रह्मन्
इति
yam eva vidyāḥ śucim apramattaṃ medhāvinaṃ brahmacaryopapannam
yaste na druhyetkatamaccanāha tasmai mā brūyā nidhipāya brahman
iti
- 5
निधिः शेवधिर् इति
nidhiḥ śevadhir iti

