39 shlokas
- 1
उत्तरतो गार्हपत्यस्य देवस्य त्वा सवितुः प्रसव इत्य् अभ्रिम् आदत्ते
uttarato gārhapatyasya devasya tvā savituḥ prasava ity abhrim ādatte
- 2
अभ्रिर् असि नारिर् असीत्य् अभिमन्त्रयते
abhrir asi nārir asīty abhimantrayate
- 3
इदम् अहं रक्षसो ग्रीवा अपिकृन्तामीति दक्षिणस्माद् अंसाद् अभिप्रदक्षिणं प्रादेशमात्रान्कुष्ठासूपरवान्परिलिखति यथायूपावटं बाहुमात्रान्खनति
idam ahaṃ rakṣaso grīvā apikṛntāmīti dakṣiṇasmād aṃsād abhipradakṣiṇaṃ prādeśamātrānkuṣṭhāsūparavānparilikhati yathāyūpāvaṭaṃ bāhumātrānkhanati
- 4
औपरवाणां पांसूनाम् अग्रेणोपस्तम्भनं बाहुमात्रं चतुरस्रं खरं करोति
auparavāṇāṃ pāṃsūnām agreṇopastambhanaṃ bāhumātraṃ caturasraṃ kharaṃ karoti
- 5
अवोक्ष्य सिकताभिः प्ररोचयति
avokṣya sikatābhiḥ prarocayati
- 6
बृहन्न् असि बृहद्राय इत्य् अनुपूर्वं खनति
bṛhann asi bṛhadrāya ity anupūrvaṃ khanati
- 7
सम्राड् असीति प्रथमम् उद्वपति स्वराड् असीति द्वितीयं विराड् असीति तृतीयं सत्रराड् असीति चतुर्थम्
samrāḍ asīti prathamam udvapati svarāḍ asīti dvitīyaṃ virāḍ asīti tṛtīyaṃ satrarāḍ asīti caturtham
- 8
बृहन्न् असि बृहद्राय इत्य् अधस्तात्संतृद्य सर्वराड् असीति सर्वान् उद्वपति
bṛhann asi bṛhadrāya ity adhastātsaṃtṛdya sarvarāḍ asīti sarvān udvapati
- 9
उदुप्तान् उत्करे प्रविध्यति
uduptān utkare pravidhyati
- 10
संमृश इत्य् उपरवान्संमृशति
saṃmṛśa ity uparavānsaṃmṛśati
- 11
अनुमृशतः पूर्वयोर्दक्षिणम् अन्व् अध्वर्युर् अपरयोर् उत्तरं यजमानः
किम् अत्रेति पृच्छति भद्रम् इत्य् अध्वर्युस्तन्नौ सहेति यजमानः
उत्तरम् अन्व् अध्वर्युर्दक्षिणयोर् अपरं यजमानः
किम् अत्रेति पृच्छति भद्रम् इत्य् अध्वर्युस्तन्म इत्य् आह यजमानः
anumṛśataḥ pūrvayordakṣiṇam anv adhvaryur aparayor uttaraṃ yajamānaḥ
kim atreti pṛcchati bhadram ity adhvaryustannau saheti yajamānaḥ
uttaram anv adhvaryurdakṣiṇayor aparaṃ yajamānaḥ
kim atreti pṛcchati bhadram ity adhvaryustanma ity āha yajamānaḥ
- 12
उत्तरतः सदोहविर्धानयोः समयार्धे चतुःस्थूणं दक्षिणाद्वारं प्राग्वंशम् आग्नीध्रं मिनोति
तस्यार्धम् अन्तर्वेद्य् अर्धं बहिर्वेदि
uttarataḥ sadohavirdhānayoḥ samayārdhe catuḥsthūṇaṃ dakṣiṇādvāraṃ prāgvaṃśam āgnīdhraṃ minoti
tasyārdham antarvedy ardhaṃ bahirvedi
- 13
अपरस्माद्वेद्यन्तात्त्रिषु प्रक्रमेष्व् अपरिमिते वावकाशे सदो विदधाति नवारत्नि प्राचीनं त्रिनवं तिर्यक्तस्य मध्ये दक्षिणतः पृष्ठ्यायाः प्रक्रममात्र औदुम्बर्यै गर्तं खनति यथा यूपावटं समानम् आ स्तरणात्
aparasmādvedyantāttriṣu prakrameṣv aparimite vāvakāśe sado vidadhāti navāratni prācīnaṃ trinavaṃ tiryaktasya madhye dakṣiṇataḥ pṛṣṭhyāyāḥ prakramamātra audumbaryai gartaṃ khanati yathā yūpāvaṭaṃ samānam ā staraṇāt
- 14
यजमानमात्रीम् औदुम्बरीम् उच्छ्रीयमाणाम् उद्गातान्वारभते
yajamānamātrīm audumbarīm ucchrīyamāṇām udgātānvārabhate
- 15
उञ्श्रयस्व वनस्पत इत्य् उच्छ्रयति
uñśrayasva vanaspata ity ucchrayati
- 16
नितानस्त्वा मारुतो निहन्त्व् इति प्राक्कर्णीम् अवदधाति
nitānastvā māruto nihantv iti prākkarṇīm avadadhāti
- 17
ब्रह्मवनिं त्वा क्षत्रवनिं पर्यूहामीति पांसुभिः पर्यूहति
brahmavaniṃ tvā kṣatravaniṃ paryūhāmīti pāṃsubhiḥ paryūhati
- 18
ब्रह्म दृंह क्षत्रं दृंहेति यजमानो दीक्षितदण्डेन प्रदक्षिणं संमृशति
brahma dṛṃha kṣatraṃ dṛṃheti yajamāno dīkṣitadaṇḍena pradakṣiṇaṃ saṃmṛśati
- 19
अपो ऽनुपरिषिञ्चति
apo 'nupariṣiñcati
- 20
अन्तरा कर्णौ हिरण्यं निधाय घृतेन द्यावापृथिवी आपृणेत्य् अभिजुहोति
antarā karṇau hiraṇyaṃ nidhāya ghṛtena dyāvāpṛthivī āpṛṇety abhijuhoti
- 21
आ मूलाद् अवस्रावयति
ā mūlād avasrāvayati
- 22
उदग्वंशं सदो ऽन्तर्मायु मिनोति
udagvaṃśaṃ sado 'ntarmāyu minoti
- 23
औदुम्बरी वर्षिष्ठा स्थूणानां ह्रसीयस्यो ऽन्या अन्त्या ह्रसिष्ठाः
audumbarī varṣiṣṭhā sthūṇānāṃ hrasīyasyo 'nyā antyā hrasiṣṭhāḥ
- 24
नव छदींष्य् अग्निष्टोम उदक्तूलानि पञ्चदशोक्थ्ये सप्तदशातिरात्र एकविंशतिः सत्त्राहीनयोर् एकादश षोडशिनि वाजपेये च
nava chadīṃṣy agniṣṭoma udaktūlāni pañcadaśokthye saptadaśātirātra ekaviṃśatiḥ sattrāhīnayor ekādaśa ṣoḍaśini vājapeye ca
- 25
विश्वजनस्य छायासीत्य् औदुम्बर्यां मध्यमं छदिर् आदधाति
पूर्वम् आधायापरम् आदधाति
दक्षिणैर् अभिनिदधात्य् उत्तराण्य् उपकर्षति
viśvajanasya chāyāsīty audumbaryāṃ madhyamaṃ chadir ādadhāti
pūrvam ādhāyāparam ādadhāti
dakṣiṇair abhinidadhāty uttarāṇy upakarṣati
- 26
परि त्वा गिर्वणो गिर इति परिश्रयति
pari tvā girvaṇo gira iti pariśrayati
- 27
मध्यमापरयोः संधाव् इन्द्राय त्वेत्य् आरभ्य जपति
madhyamāparayoḥ saṃdhāv indrāya tvety ārabhya japati
- 28
इन्द्रस्य स्यूर् असीति प्रवयति
indrasya syūr asīti pravayati
- 29
इन्द्रस्य ध्रुवो ऽसीति प्रथमं ग्रन्थिं करोति
indrasya dhruvo 'sīti prathamaṃ granthiṃ karoti
- 30
आन्तात्प्रतिषीव्येत्
āntātpratiṣīvyet

