Mahabharat · Adhyaya 3 4.3.1
4.3.1युधिष्ठिर उवाच
किं त्वं नकुल कुर्वाणस्तत्र तात चरिष्यसि
कर्म तत्त्वं समाचक्ष्व राष्ट्रे तस्य महीपतेः
त्वत्समो रूपसम्पन्नो न पश्यामि महीतले
ईदृशीम् आपदं प्राप्य कथं तत्र निवत्स्यसि
अदुःखार्हश्च बालश्च लालितश्चापि नित्यशः
सो ऽयम् आर्तश्च शान्तश्च किं नु रोचयिता त्विह
स त्वं मृदुश्च शूरश्च किं नु ते रोचते त्विह
सुकुमारश्च शूरश्च दर्शनीयः सुखोचितः
Transliteration
yudhiṣṭhira uvāca
kiṃ tvaṃ nakula kurvāṇastatra tāta cariṣyasi
karma tattvaṃ samācakṣva rāṣṭre tasya mahīpateḥ
tvatsamo rūpasampanno na paśyāmi mahītale
īdṛśīm āpadaṃ prāpya kathaṃ tatra nivatsyasi
aduḥkhārhaśca bālaśca lālitaścāpi nityaśaḥ
so 'yam ārtaśca śāntaśca kiṃ nu rocayitā tviha
sa tvaṃ mṛduśca śūraśca kiṃ nu te rocate tviha
sukumāraśca śūraśca darśanīyaḥ sukhocitaḥ
By System Admin
Translation
Draft in progress