Mahabharat · Adhyaya 80 1.80.18
1.80.18मातापित्रोर्वचनकृद्धितः पथ्यश्च यः सुतः
स पुत्रः पुत्रवद्यश्च वर्तते पितृमातृषु
अपुत्री तु नरः स्वर्गाद्दुःखं नरकम् आविशेत्
पुद् इति नरकस्याख्या दुःखं हि नरकं विदुः
पुतस्त्राणात्ततः पुत्रम् इहेच्छन्ति परत्र च
आत्मनः सदृशः पुत्रः पितृदेवर्षिपूजने
यो बहूनां गुणतरः स पुत्रो ज्येष्ठ उच्यते
ज्येष्ठांशहारो गुणकृद् इह लोके परत्र च
श्रेयान्पुत्रगुणोपेतः स पुत्रो नेतरो वृथा
वदन्ति धर्मं धर्मज्ञाः पितॄणां पुत्रकारणात्
मूको ऽन्धबधिरः श्वित्री स्वधर्मं नानुतिष्ठति
चोरः किल्बिषकः पुत्रो ज्येष्ठो न ज्येष्ठ उच्यते
Transliteration
mātāpitrorvacanakṛddhitaḥ pathyaśca yaḥ sutaḥ
sa putraḥ putravadyaśca vartate pitṛmātṛṣu
aputrī tu naraḥ svargādduḥkhaṃ narakam āviśet
pud iti narakasyākhyā duḥkhaṃ hi narakaṃ viduḥ
putastrāṇāttataḥ putram ihecchanti paratra ca
ātmanaḥ sadṛśaḥ putraḥ pitṛdevarṣipūjane
yo bahūnāṃ guṇataraḥ sa putro jyeṣṭha ucyate
jyeṣṭhāṃśahāro guṇakṛd iha loke paratra ca
śreyānputraguṇopetaḥ sa putro netaro vṛthā
vadanti dharmaṃ dharmajñāḥ pitṝṇāṃ putrakāraṇāt
mūko 'ndhabadhiraḥ śvitrī svadharmaṃ nānutiṣṭhati
coraḥ kilbiṣakaḥ putro jyeṣṭho na jyeṣṭha ucyate
By System Admin
Translation
Draft in progress