Mahabharat · Adhyaya 68 1.68.48
1.68.48भार्यायां जनितं पुत्रम् आदर्शे स्वम् इवाननम्
ह्लादते जनिता प्रेक्ष्य स्वर्गं प्राप्येव पुण्यकृत्
पतिव्रतारूपधराः परबीजस्य संग्रहात्
कुलं विनाश्य भर्तॄणां नरकं यान्ति दारुणम्
परेण जनिताः पुत्राः स्वभार्यायां यथेष्टतः
मम पुत्रा इति मतास्ते पुत्रा अपि शत्रवः
द्विषन्ति प्रतिकुर्वन्ति न ते वचनकारिणः
द्वेष्टि तांश्च पिता चापि स्वबीजे न तथा नृप
न द्वेष्टि पितरं पुत्रो जनितारम् अथापि वा
न द्वेष्टि जनिता पुत्रं तस्माद् आत्मा सुतो भवेत्
Transliteration
bhāryāyāṃ janitaṃ putram ādarśe svam ivānanam
hlādate janitā prekṣya svargaṃ prāpyeva puṇyakṛt
pativratārūpadharāḥ parabījasya saṃgrahāt
kulaṃ vināśya bhartṝṇāṃ narakaṃ yānti dāruṇam
pareṇa janitāḥ putrāḥ svabhāryāyāṃ yatheṣṭataḥ
mama putrā iti matāste putrā api śatravaḥ
dviṣanti pratikurvanti na te vacanakāriṇaḥ
dveṣṭi tāṃśca pitā cāpi svabīje na tathā nṛpa
na dveṣṭi pitaraṃ putro janitāram athāpi vā
na dveṣṭi janitā putraṃ tasmād ātmā suto bhavet
By System Admin
Translation
Draft in progress