Mahabharat · Adhyaya 56 1.56.26
1.56.26कीर्तिं प्रथयता लोके पाण्डवानां महात्मनाम्
अन्येषां क्षत्रियाणां च भूरिद्रविणतेजसाम्
सर्वविद्यावदातानां लोके प्रथितकर्मणाम्
य इदं मानवो लोके पुण्यान्वै ब्राह्मणाञ्शुचीन्
श्रावयेत महापुण्यं तस्य धर्मः सनातनः
कुरूणां प्रथितं वंशं कीर्तयन्सततं शुचिः
वंशम् आप्नोति विपुलं लोके पूज्यतमो भवेत्
यो ऽधीते भारतं पुण्यं ब्राह्मणो नियतव्रतः
चतुरो वार्षिकान्मासान्सर्वपापैः प्रमुच्यते
विज्ञेयः स च वेदानां पारगो भारतं पठन्
देवा ब्रह्मर्षयो यत्र पुण्या राजर्षयस्तथा
कीर्त्यन्ते धूतपाप्मानः कीर्त्यते केशवस्तथा
भगवांश्चापि देवेशो यत्र देवी च कीर्त्यते
अनेकजननो यत्र कार्त्तिकेयस्य संभवः
ब्राह्मणानां गवां चैव माहात्म्यं यत्र कीर्त्यते
सर्वश्रुतिसमूहो ऽयं श्रोतव्यो धर्मबुद्धिभिः
Transliteration
kīrtiṃ prathayatā loke pāṇḍavānāṃ mahātmanām
anyeṣāṃ kṣatriyāṇāṃ ca bhūridraviṇatejasām
sarvavidyāvadātānāṃ loke prathitakarmaṇām
ya idaṃ mānavo loke puṇyānvai brāhmaṇāñśucīn
śrāvayeta mahāpuṇyaṃ tasya dharmaḥ sanātanaḥ
kurūṇāṃ prathitaṃ vaṃśaṃ kīrtayansatataṃ śuciḥ
vaṃśam āpnoti vipulaṃ loke pūjyatamo bhavet
yo 'dhīte bhārataṃ puṇyaṃ brāhmaṇo niyatavrataḥ
caturo vārṣikānmāsānsarvapāpaiḥ pramucyate
vijñeyaḥ sa ca vedānāṃ pārago bhārataṃ paṭhan
devā brahmarṣayo yatra puṇyā rājarṣayastathā
kīrtyante dhūtapāpmānaḥ kīrtyate keśavastathā
bhagavāṃścāpi deveśo yatra devī ca kīrtyate
anekajanano yatra kārttikeyasya saṃbhavaḥ
brāhmaṇānāṃ gavāṃ caiva māhātmyaṃ yatra kīrtyate
sarvaśrutisamūho 'yaṃ śrotavyo dharmabuddhibhiḥ
By System Admin
Translation
Draft in progress