Sanskrit

Mahabharat · Adhyaya 25 1.25.26

1.25.26

सूत उवाच

इत्युक्त्वा गरुडं सर्षिः माङ्गल्यम् अकरोत्तदा

युध्यतः सह देवैस्ते युद्धे भवतु मङ्गलम्

पूर्णकुम्भो द्विजा गावो यच्चान्यत्किंचिद् उत्तमम्

शुभं स्वस्त्ययनं चापि भविष्यति तवाण्डज

युध्यमानस्य संग्रामे देवैः सार्धं महाबल

ऋचो यजूंषि सामानि पवित्राणि हवींषि च

रहस्यानि च सर्वाणि सर्वे वेदाश्च ते बलम्

इत्युक्तो गरुडः पित्रा गतस्तं ह्रदम् अन्तिकात्

अपश्यन्निर्मलजलं नानापक्षिसमाकुलम्

एतस्मिन्न् एव काले तु तावृषी वित्तलोलुपौ

गजकच्छपतां प्राप्य युयुधाते परस्परम्

स तच्छ्रुत्वा पितुर्वाक्यं भीमवेगो ऽन्तरिक्षगः

नखेन गजम् एकेन कूर्मम् एकेन चाक्षिपत्

Transliteration

sūta uvāca

ityuktvā garuḍaṃ sarṣiḥ māṅgalyam akarottadā

yudhyataḥ saha devaiste yuddhe bhavatu maṅgalam

pūrṇakumbho dvijā gāvo yaccānyatkiṃcid uttamam

śubhaṃ svastyayanaṃ cāpi bhaviṣyati tavāṇḍaja

yudhyamānasya saṃgrāme devaiḥ sārdhaṃ mahābala

ṛco yajūṃṣi sāmāni pavitrāṇi havīṃṣi ca

rahasyāni ca sarvāṇi sarve vedāśca te balam

ityukto garuḍaḥ pitrā gatastaṃ hradam antikāt

apaśyannirmalajalaṃ nānāpakṣisamākulam

etasminn eva kāle tu tāvṛṣī vittalolupau

gajakacchapatāṃ prāpya yuyudhāte parasparam

sa tacchrutvā piturvākyaṃ bhīmavego 'ntarikṣagaḥ

nakhena gajam ekena kūrmam ekena cākṣipat

By System Admin

Translation

Draft in progress