Mahabharat · Adhyaya 2 1.2.236
1.2.236श्रुत्वा त्विदम् उपाख्यानं श्राव्यम् अन्यन्न रोचते
पुंस्कोकिलरुतं श्रुत्वा रूक्षा ध्वाङ्क्षस्य वाग् इव
धर्मे चार्थे च कामे च मोक्षे च भरतर्षभ
यद् इहास्ति तद् अन्यत्र यन्नेहास्ति न तत्क्वचित्
एवं विज्ञाय तत्त्वज्ञाः कथयन्ति मनीषिणः
भरतानां महज्जन्म महाभारतम् इत्युत
निरुक्तम् अस्य यो वेद सर्वपापैः प्रमुच्यते
भारताध्ययनात्पुण्याद् अपि पादम् अधीयतः
श्रद्दधानस्य पूयन्ते सर्वपापान्यसंशयः
त्रिभिर्वर्षैर्महाभागः कृष्णद्वैपायनः शुभः
प्रबन्धं भारतस्येमं चकार भगवान्प्रभुः
कृष्णद्वैपायनः पुत्रं पूर्वम् अध्यापयच्छुकम्
सुमन्तुं जैमिनिं पैलं वैशम्पायनम् एव च
तैश्चाप्यनन्यबुद्धिभ्यो ब्राह्मणेभ्यः प्रकाशितम्
या क्रिया क्रियते काचिद्यश्च कश्चित्क्रियाविधिः
इदं प्रवर्तते सर्वं श्रोतॄणां प्रीतये क्षितौ
अधीयीत यथान्यायं वेदज्ञो वेदभृद्द्विजः
वेदैश्चतुर्भिः समितम् इदम् आख्यानम् उत्तमम्
भविष्यत्युपजीव्यं च कवीनाम् इदम् अन्नवत्
न चास्य कवयः केचिद्भविष्यन्ति विशेषणे
विशेषणे गृहस्थस्य त्रय एवाश्रमा यथा
धन्यम् आरोग्यम् आयुष्यं पुण्यं सत्कर्मसाधकम्
बुभूषते महाख्यानम् अभिमन्तव्यम् आदितः
यद् अधीतं तदा सम्यग्द्विजश्रेष्ठैर्द्विजोत्तमात्
वैशम्पायनविप्राद्यैस्तैश्चापि कथितं तदा
Transliteration
śrutvā tvidam upākhyānaṃ śrāvyam anyanna rocate
puṃskokilarutaṃ śrutvā rūkṣā dhvāṅkṣasya vāg iva
dharme cārthe ca kāme ca mokṣe ca bharatarṣabha
yad ihāsti tad anyatra yannehāsti na tatkvacit
evaṃ vijñāya tattvajñāḥ kathayanti manīṣiṇaḥ
bharatānāṃ mahajjanma mahābhāratam ityuta
niruktam asya yo veda sarvapāpaiḥ pramucyate
bhāratādhyayanātpuṇyād api pādam adhīyataḥ
śraddadhānasya pūyante sarvapāpānyasaṃśayaḥ
tribhirvarṣairmahābhāgaḥ kṛṣṇadvaipāyanaḥ śubhaḥ
prabandhaṃ bhāratasyemaṃ cakāra bhagavānprabhuḥ
kṛṣṇadvaipāyanaḥ putraṃ pūrvam adhyāpayacchukam
sumantuṃ jaiminiṃ pailaṃ vaiśampāyanam eva ca
taiścāpyananyabuddhibhyo brāhmaṇebhyaḥ prakāśitam
yā kriyā kriyate kācidyaśca kaścitkriyāvidhiḥ
idaṃ pravartate sarvaṃ śrotṝṇāṃ prītaye kṣitau
adhīyīta yathānyāyaṃ vedajño vedabhṛddvijaḥ
vedaiścaturbhiḥ samitam idam ākhyānam uttamam
bhaviṣyatyupajīvyaṃ ca kavīnām idam annavat
na cāsya kavayaḥ kecidbhaviṣyanti viśeṣaṇe
viśeṣaṇe gṛhasthasya traya evāśramā yathā
dhanyam ārogyam āyuṣyaṃ puṇyaṃ satkarmasādhakam
bubhūṣate mahākhyānam abhimantavyam āditaḥ
yad adhītaṃ tadā samyagdvijaśreṣṭhairdvijottamāt
vaiśampāyanaviprādyaistaiścāpi kathitaṃ tadā
By System Admin
Translation
Draft in progress