Mahabharat · Adhyaya 2 1.2.191
1.2.191अत ऊर्ध्वम् इदं प्राहुः स्त्रीपर्व करुणोदयम्
पुत्रशोकाभिसंतप्तः प्रज्ञाचक्षुर्नराधिप
कृष्णोपनीतां यत्रासावायसीं प्रतिमां दृढाम्
भीमसेनद्रोहबुद्धिर्धृतराष्ट्रो बभञ्ज ह
तथा शोकाग्नितप्तस्य धृतराष्ट्रस्य धीमतः
संसारगमनं बुद्ध्या हेतुभिर्मोक्षदर्शनैः
विदुरेण च यत्रास्य राज्ञ आश्वासनं कृतम्
धृतराष्ट्रस्य चात्रैव कौरवायोधनं तथा
सान्तःपुरस्य गमनं शोकार्तस्य प्रकीर्तितम्
विलापो वीरपत्नीनां यत्रातिकरुणः स्मृतः
क्रोधावेशः प्रसादश्च गान्धारीधृतराष्ट्रयोः
Transliteration
ata ūrdhvam idaṃ prāhuḥ strīparva karuṇodayam
putraśokābhisaṃtaptaḥ prajñācakṣurnarādhipa
kṛṣṇopanītāṃ yatrāsāvāyasīṃ pratimāṃ dṛḍhām
bhīmasenadrohabuddhirdhṛtarāṣṭro babhañja ha
tathā śokāgnitaptasya dhṛtarāṣṭrasya dhīmataḥ
saṃsāragamanaṃ buddhyā hetubhirmokṣadarśanaiḥ
vidureṇa ca yatrāsya rājña āśvāsanaṃ kṛtam
dhṛtarāṣṭrasya cātraiva kauravāyodhanaṃ tathā
sāntaḥpurasya gamanaṃ śokārtasya prakīrtitam
vilāpo vīrapatnīnāṃ yatrātikaruṇaḥ smṛtaḥ
krodhāveśaḥ prasādaśca gāndhārīdhṛtarāṣṭrayoḥ
By System Admin
Translation
Draft in progress