Sanskrit

Mahabharat · Adhyaya 2 1.2.175

1.2.175

शल्यस्य निधनं चात्र धर्मराजान्महारथात्

शकुनेश्च वधो ऽत्रैव सहदेवेन संयुगे

सैन्ये च हतभूयिष्ठे किंचिच्छिष्टे सुयोधनः

ह्रदं प्रविश्य यत्रासौ संस्तभ्यापो व्यवस्थितः

प्रवृत्तिस्तत्र चाख्याता यत्र भीमस्य लुब्धकैः

क्षेपयुक्तैर्वचोभिश्च धर्मराजस्य धीमतः

ह्रदात्समुत्थितो यत्र धार्तराष्ट्रो ऽत्यमर्षणः

भीमेन गदया युद्धं यत्रासौ कृतवान्सह

समवाये च युद्धस्य रामस्यागमनं स्मृतम्

गदायुद्धं तु तुमुलम् अत्रैव परिकीर्तितम्

दुर्योधनस्य राज्ञो ऽथ यत्र भीमेन संयुगे

ऊरू भग्नौ प्रसह्याजौ गदया भीमवेगया

सरस्वत्याश्च तीर्थानां पुण्यता परिकीर्तिता

Transliteration

śalyasya nidhanaṃ cātra dharmarājānmahārathāt

śakuneśca vadho 'traiva sahadevena saṃyuge

sainye ca hatabhūyiṣṭhe kiṃcicchiṣṭe suyodhanaḥ

hradaṃ praviśya yatrāsau saṃstabhyāpo vyavasthitaḥ

pravṛttistatra cākhyātā yatra bhīmasya lubdhakaiḥ

kṣepayuktairvacobhiśca dharmarājasya dhīmataḥ

hradātsamutthito yatra dhārtarāṣṭro 'tyamarṣaṇaḥ

bhīmena gadayā yuddhaṃ yatrāsau kṛtavānsaha

samavāye ca yuddhasya rāmasyāgamanaṃ smṛtam

gadāyuddhaṃ tu tumulam atraiva parikīrtitam

duryodhanasya rājño 'tha yatra bhīmena saṃyuge

ūrū bhagnau prasahyājau gadayā bhīmavegayā

sarasvatyāśca tīrthānāṃ puṇyatā parikīrtitā

By System Admin

Translation

Draft in progress