Mahabharat · Adhyaya 2 1.2.106
1.2.106वृष्णीनाम् आगमो यत्र पाञ्चालानां च सर्वशः
श्रुत्वा शकुनिना द्यूते निकृत्या निर्जितांश्च तान्
क्रुद्धस्यानुप्रशमनं हरेश्चैव किरीटिना
परिदेवनं च पाञ्चाल्या वासुदेवस्य संनिधौ
आश्वासनं च कृष्णेन दुःखार्तायाः प्रकीर्तितम्
बान्धवागमनं चैव द्रौपद्याश्चाश्रुमोक्षणम्
तत्किर्मीरवधाख्यानं वृष्णीनाम् आगमस्तथा
पाञ्चालानां च सर्वेषां सौभाख्यानं तथैव च
यत्र सौभवधाख्यानं किर्मीरवध एव च
सुभद्रायाः सपुत्रायाः कृष्णेन द्वारकां पुरीम्
नयनं द्रौपदेयानां धृष्टद्युम्नेन चैव हि
प्रवेशः पाण्डवेयानां रम्ये द्वैतवने ततः
धर्मराजस्य चात्रैव संवादः कृष्णया सह
संवादश्च तथा राज्ञा भीमस्यापि प्रकीर्तितः
समीपं पाण्डुपुत्राणां व्यासस्यागमनं तथा
प्रतिस्मृत्याथ विद्याया दानं राज्ञो महर्षिणा
गमनं काम्यकं चापि व्यासे प्रतिगते ततः
अस्त्रहेतोर्विवासश्च पार्थस्यामिततेजसः
Transliteration
vṛṣṇīnām āgamo yatra pāñcālānāṃ ca sarvaśaḥ
śrutvā śakuninā dyūte nikṛtyā nirjitāṃśca tān
kruddhasyānupraśamanaṃ hareścaiva kirīṭinā
paridevanaṃ ca pāñcālyā vāsudevasya saṃnidhau
āśvāsanaṃ ca kṛṣṇena duḥkhārtāyāḥ prakīrtitam
bāndhavāgamanaṃ caiva draupadyāścāśrumokṣaṇam
tatkirmīravadhākhyānaṃ vṛṣṇīnām āgamastathā
pāñcālānāṃ ca sarveṣāṃ saubhākhyānaṃ tathaiva ca
yatra saubhavadhākhyānaṃ kirmīravadha eva ca
subhadrāyāḥ saputrāyāḥ kṛṣṇena dvārakāṃ purīm
nayanaṃ draupadeyānāṃ dhṛṣṭadyumnena caiva hi
praveśaḥ pāṇḍaveyānāṃ ramye dvaitavane tataḥ
dharmarājasya cātraiva saṃvādaḥ kṛṣṇayā saha
saṃvādaśca tathā rājñā bhīmasyāpi prakīrtitaḥ
samīpaṃ pāṇḍuputrāṇāṃ vyāsasyāgamanaṃ tathā
pratismṛtyātha vidyāyā dānaṃ rājño maharṣiṇā
gamanaṃ kāmyakaṃ cāpi vyāse pratigate tataḥ
astrahetorvivāsaśca pārthasyāmitatejasaḥ
By System Admin
Translation
Draft in progress