Mahabharat · Adhyaya 163 1.163.15
1.163.15तस्य राज्ञः पुरे तस्मिन्समा द्वादश सर्वशः
न ववर्ष सहस्राक्षो राष्ट्रे चैवास्य सर्वशः
ततस्तस्याम् अनावृष्ट्यां प्रवृत्तायाम् अरिंदम
प्रजाः क्षयम् उपाजग्मुः सर्वाः सस्थाणुजङ्गमाः
तस्मिंस्तथाविधे काले वर्तमाने सुदारुणे
नावश्यायः पपातोर्व्यां ततः सस्यानि नारुहन्
ततो विभ्रान्तमनसो जनाः क्षुद्भयपीडिताः
गृहाणि सम्परित्यज्य बभ्रमुः प्रदिशो दिशः
ततस्तस्मिन्पुरे राष्ट्रे त्यक्तदारपरिग्रहाः
परस्परम् अमर्यादाः क्षुधार्ता जघ्निरे जनाः
Transliteration
tasya rājñaḥ pure tasminsamā dvādaśa sarvaśaḥ
na vavarṣa sahasrākṣo rāṣṭre caivāsya sarvaśaḥ
tatastasyām anāvṛṣṭyāṃ pravṛttāyām ariṃdama
prajāḥ kṣayam upājagmuḥ sarvāḥ sasthāṇujaṅgamāḥ
tasmiṃstathāvidhe kāle vartamāne sudāruṇe
nāvaśyāyaḥ papātorvyāṃ tataḥ sasyāni nāruhan
tato vibhrāntamanaso janāḥ kṣudbhayapīḍitāḥ
gṛhāṇi samparityajya babhramuḥ pradiśo diśaḥ
tatastasminpure rāṣṭre tyaktadāraparigrahāḥ
parasparam amaryādāḥ kṣudhārtā jaghnire janāḥ
By System Admin
Translation
Draft in progress