Mahabharat · Adhyaya 16 1.16.27
1.16.27अथ तस्य समुद्रस्य तज्जातम् उदकं पयः
रसोत्तमैर्विमिश्रं च ततः क्षीराद् अभूद्घृतम्
एतस्मिन्नन्तरे जातं वासुकेर्मुखनिःस्रवात्
कालकूटं विषं घोरं सर्वसत्त्वभयंकरम्
तस्मिन्समुत्थिते घोरे विषे कालानलप्रभे
संत्रस्तासुरदेवौघा दिशः सर्वाः प्रपेदिरे
येन विष्णुः कृतः कृष्णो विषेण महता तदा
यत्र हाहाकृतं सर्वं जगद् आसीच्चराचरम्
ततस्तु ब्रह्मणो वाक्याद्देवदेवो महेश्वरः
अपिबत्तद्विषं घोरं प्रत्यक्षं दैवतेषु वै
तस्मिन्विषे पीयमाने हरेणामिततेजसा
विस्मयं परमं जग्मुर्देवाश्च मुनिदानवाः
ततः कण्ठम् अनुप्राप्तं विषं दृष्ट्वा हरस्य च
ब्रह्मा प्रोवाच देवेशं कण्ठे धारय वै प्रभो
स्वयंभुवचनाच्छंभुर्दधार विषम् उत्तमम्
कण्ठे हालाहलं घोरं नीलकण्ठस्ततः स्मृतः
Transliteration
atha tasya samudrasya tajjātam udakaṃ payaḥ
rasottamairvimiśraṃ ca tataḥ kṣīrād abhūdghṛtam
etasminnantare jātaṃ vāsukermukhaniḥsravāt
kālakūṭaṃ viṣaṃ ghoraṃ sarvasattvabhayaṃkaram
tasminsamutthite ghore viṣe kālānalaprabhe
saṃtrastāsuradevaughā diśaḥ sarvāḥ prapedire
yena viṣṇuḥ kṛtaḥ kṛṣṇo viṣeṇa mahatā tadā
yatra hāhākṛtaṃ sarvaṃ jagad āsīccarācaram
tatastu brahmaṇo vākyāddevadevo maheśvaraḥ
apibattadviṣaṃ ghoraṃ pratyakṣaṃ daivateṣu vai
tasminviṣe pīyamāne hareṇāmitatejasā
vismayaṃ paramaṃ jagmurdevāśca munidānavāḥ
tataḥ kaṇṭham anuprāptaṃ viṣaṃ dṛṣṭvā harasya ca
brahmā provāca deveśaṃ kaṇṭhe dhāraya vai prabho
svayaṃbhuvacanācchaṃbhurdadhāra viṣam uttamam
kaṇṭhe hālāhalaṃ ghoraṃ nīlakaṇṭhastataḥ smṛtaḥ
By System Admin
Translation
Draft in progress