Sanskrit

Mahabharat · Adhyaya 145 1.145.4

1.145.4

चेरुर्भैक्षं तदा ते तु सर्व एव विशां पते

युधिष्ठिरं च कुन्तीं च चिन्तयन्त उपासते

भैक्षं चरन्तस्तु सदा जटिला ब्रह्मचारिणः

बभूवुर्नागराणां च स्वैर्गुणैः प्रियदर्शनाः

नागराः

दर्शनीया द्विजाः शुद्धा देवगर्भोपमाः शुभाः

भैक्षार्हा न च राज्यार्हाः सुकुमारास्तपस्विनः

सर्वलक्षणसम्पन्ना भैक्षं नार्हन्ति नित्यशः

कार्यार्थिनश्चरन्तीति तर्कयन्त इति ब्रुवन्

बन्धूनाम् आगमान्नित्यम् उपचिन्त्य तु नागराः

भोजनानि च पूर्णानि भक्ष्यभोज्यैर् अकारयन्

मौनव्रतेन संयुक्ता भैक्षं गृह्णन्ति पाण्डवाः

माता चिरगतान्दृष्ट्वा शोचन्तीति च पाण्डवाः

त्वरमाणा निवर्तन्ते मातृगौरवयन्त्रिताः

नैते यथार्थतो विप्राः सुकुमारास्तपस्विनः

चरन्ति भूमौ प्रच्छन्नाः कस्माच्चित्कारणाद् इह

दुःखाश्रुपूर्णनयना लिखन्त्यास्ते महीतलम्

भिक्षित्वा द्विजगेहेषु चिन्तयन्तश्च मातरम्

Transliteration

cerurbhaikṣaṃ tadā te tu sarva eva viśāṃ pate

yudhiṣṭhiraṃ ca kuntīṃ ca cintayanta upāsate

bhaikṣaṃ carantastu sadā jaṭilā brahmacāriṇaḥ

babhūvurnāgarāṇāṃ ca svairguṇaiḥ priyadarśanāḥ

nāgarāḥ

darśanīyā dvijāḥ śuddhā devagarbhopamāḥ śubhāḥ

bhaikṣārhā na ca rājyārhāḥ sukumārāstapasvinaḥ

sarvalakṣaṇasampannā bhaikṣaṃ nārhanti nityaśaḥ

kāryārthinaścarantīti tarkayanta iti bruvan

bandhūnām āgamānnityam upacintya tu nāgarāḥ

bhojanāni ca pūrṇāni bhakṣyabhojyair akārayan

maunavratena saṃyuktā bhaikṣaṃ gṛhṇanti pāṇḍavāḥ

mātā ciragatāndṛṣṭvā śocantīti ca pāṇḍavāḥ

tvaramāṇā nivartante mātṛgauravayantritāḥ

naite yathārthato viprāḥ sukumārāstapasvinaḥ

caranti bhūmau pracchannāḥ kasmāccitkāraṇād iha

duḥkhāśrupūrṇanayanā likhantyāste mahītalam

bhikṣitvā dvijageheṣu cintayantaśca mātaram

By System Admin

Translation

Draft in progress