Sanskrit

Mahabharat · Adhyaya 114 1.114.9

1.114.9

ततस्तथोक्ता पत्या तु वायुम् एवाजुहाव सा

ततस्ताम् आगतो वायुर्मृगारूढो महाबलः

किं ते कुन्ति ददाम्यद्य ब्रूहि यत्ते हृदि स्थितम्

सा सलज्जा विहस्याह पुत्रं देहि सुरोत्तम

बलवन्तं महाकायं सर्वदर्पप्रभञ्जनम्

द्वितीयेनोपहारेण तेनोक्तविधिना पुनः

तैर् एव नियमैः स्थित्वा मन्त्रग्रामम् उदैरयत्

आजगाम ततो वायुः किं करोमीति चाब्रवीत्

लज्जान्विता ततः कुन्ती पुत्रम् ऐच्छन्महाबलम्

तथास्त्विति च तां वायुः समालभ्य दिवं गतः

तस्माज्जज्ञे महाबाहुर्भीमो भीमपराक्रमः

Transliteration

tatastathoktā patyā tu vāyum evājuhāva sā

tatastām āgato vāyurmṛgārūḍho mahābalaḥ

kiṃ te kunti dadāmyadya brūhi yatte hṛdi sthitam

sā salajjā vihasyāha putraṃ dehi surottama

balavantaṃ mahākāyaṃ sarvadarpaprabhañjanam

dvitīyenopahāreṇa tenoktavidhinā punaḥ

tair eva niyamaiḥ sthitvā mantragrāmam udairayat

ājagāma tato vāyuḥ kiṃ karomīti cābravīt

lajjānvitā tataḥ kuntī putram aicchanmahābalam

tathāstviti ca tāṃ vāyuḥ samālabhya divaṃ gataḥ

tasmājjajñe mahābāhurbhīmo bhīmaparākramaḥ

By System Admin

Translation

Draft in progress