31 shlokas
- 1
श्रावण्यां पौर्णमास्यां गृह्यादग्निम् अतिप्रणीय प्रतिदिशमुपलिम्पेदधिके प्रक्रमे
śrāvaṇyāṃ paurṇamāsyāṃ gṛhyādagnim atipraṇīya pratidiśamupalimpedadhike prakrame
- 2
सकृद्गृहीतान्सक्तून्दर्व्यां कृत्वा पूर्वोपलिप्ते निनीयापो यः प्राच्यामिति बलिं निर्वपेत्
sakṛdgṛhītānsaktūndarvyāṃ kṛtvā pūrvopalipte ninīyāpo yaḥ prācyāmiti baliṃ nirvapet
- 3
निनयेदपां शेषम्
ninayedapāṃ śeṣam
- 4
अप उपस्पृश्यैवं प्रतिदिशं यथालिङ्गम्
apa upaspṛśyaivaṃ pratidiśaṃ yathāliṅgam
- 5
दक्षिणपश्चिमे अन्तरेणाग्निं च संचरः
dakṣiṇapaścime antareṇāgniṃ ca saṃcaraḥ
- 6
शूर्पेण शिष्टान् अग्नावोप्यातिप्रणीताद् अनतिप्रणीतस्यार्धं गत्वा न्यञ्चौ पाणी कृत्वा नमः पृथिव्या इति जपेत्
śūrpeṇa śiṣṭān agnāvopyātipraṇītād anatipraṇītasyārdhaṃ gatvā nyañcau pāṇī kṛtvā namaḥ pṛthivyā iti japet
- 7
तत उत्थाय सोमो राजेति दर्भस्तम्बमुपस्थाय
tata utthāya somo rājeti darbhastambamupasthāya
- 8
अक्षतानादाय प्राङ्वोदङ्वा ग्रामान्निष्क्रम्य जुहुयादञ्जलिना हये राक इति चतसृभिः
akṣatānādāya prāṅvodaṅvā grāmānniṣkramya juhuyādañjalinā haye rāka iti catasṛbhiḥ
- 9
प्राङुत्क्रम्य जपेद्वसुवन एधीति त्रिस्त्रिः प्रतिदिशमवान्तरदेशेषु च
prāṅutkramya japedvasuvana edhīti tristriḥ pratidiśamavāntaradeśeṣu ca
- 10
ऊर्ध्वं प्रेक्षन्देवजनेभ्यः
ūrdhvaṃ prekṣandevajanebhyaḥ
- 11
तिर्यङ्ङितरजनेभ्यः
tiryaṅṅitarajanebhyaḥ
- 12
अवाङ्प्रेक्षन्प्रत्येत्यानवेक्षन्नक्षतान्प्राश्नीयात्
avāṅprekṣanpratyetyānavekṣannakṣatānprāśnīyāt
- 13
श्वोभूते ऽक्षतसक्तून्कृत्वा नवे पात्रे निधायास्तमिते बलीन्हरेद् आग्रहायण्याः
śvobhūte 'kṣatasaktūnkṛtvā nave pātre nidhāyāstamite balīnhared āgrahāyaṇyāḥ
- 14
प्रौष्ठपदीं हस्तेनाध्यायानुपाकुर्युः
prauṣṭhapadīṃ hastenādhyāyānupākuryuḥ
- 15
श्रावणीमित्येके
śrāvaṇīmityeke
- 16
हुत्वोपनयनवत्
hutvopanayanavat
- 17
सावित्रीमनुवाचयेत्
sāvitrīmanuvācayet
- 18
सोमं राजानं पर्वादींश्च
somaṃ rājānaṃ parvādīṃśca
- 19
धाना दधि च प्राश्नीयुरभिरूपाभ्याम्
dhānā dadhi ca prāśnīyurabhirūpābhyām
- 20
श्वोभूते प्राधीयीरन्शिष्येभ्यः
śvobhūte prādhīyīranśiṣyebhyaḥ
- 21
अनुवाक्याः कुर्युरृगादिभिः प्रस्तावैश्च
anuvākyāḥ kuryurṛgādibhiḥ prastāvaiśca
- 22
अनुगानं रहस्यानाम्
anugānaṃ rahasyānām
- 23
विद्युत्स्तनयित्नुवर्जम्
vidyutstanayitnuvarjam
- 24
अर्धपञ्चमान्मासानधीत्य पौषीमुत्सर्गः
ardhapañcamānmāsānadhītya pauṣīmutsargaḥ
- 25
तत ऊर्ध्वमभ्रानध्यायः
tata ūrdhvamabhrānadhyāyaḥ
- 26
विद्युत्स्तनयित्नुपृषितेषु च
vidyutstanayitnupṛṣiteṣu ca
- 27
त्रिसन्निपाते त्रिसन्ध्यम्
trisannipāte trisandhyam
- 28
अष्टकाममावास्यां चातुर्मासीरुदगयने च पक्षिणीं रात्रीम्
aṣṭakāmamāvāsyāṃ cāturmāsīrudagayane ca pakṣiṇīṃ rātrīm
- 29
सब्रह्मचारिणि च प्रेते
sabrahmacāriṇi ca prete
- 30
उल्कापाते भूमिचले ज्योतिषोश्चोपसर्ग एतेष्वाकालिकं विद्यात्
ulkāpāte bhūmicale jyotiṣoścopasarga eteṣvākālikaṃ vidyāt

