13 shlokas
- 1
अथ यत्प्रथमजं गां ददाति
atha yatprathamajaṃ gāṃ dadāti
- 2
प्रथमकर्म ह्येतत्
prathamakarma hyetat
- 3
यद्य् एतस्यै ग्लायात्
yady etasyai glāyāt
- 4
पौर्णमासं वामावास्यं वा हविष्कुर्वीत नवानाम् उभयस्याप्त्यै
paurṇamāsaṃ vāmāvāsyaṃ vā haviṣkurvīta navānām ubhayasyāptyai
- 5
अपि वा पौर्णमासे वामावास्ये वा हवींष्यनुवर्तयेद्देवतानाम् अपरिहाणाय
api vā paurṇamāse vāmāvāsye vā havīṃṣyanuvartayeddevatānām aparihāṇāya
- 6
अपि वा यवाग्वैव सायं प्रातर् अग्निहोत्रं जुहुयान्नवानाम् उभयस्याप्त्यै
api vā yavāgvaiva sāyaṃ prātar agnihotraṃ juhuyānnavānām ubhayasyāptyai
- 7
अपि वा स्थालीपाकम् एव गार्हपत्ये श्रपयित्वा नवानाम् एताभ्य आग्रयणदेवताभ्य आहवनीये जुहुयात्स्विष्टकृच्चतुर्थीभ्यो ऽमुष्यै स्वाहा अमुष्यै स्वाहेति देवतानाम् अपरिहाणाय
api vā sthālīpākam eva gārhapatye śrapayitvā navānām etābhya āgrayaṇadevatābhya āhavanīye juhuyātsviṣṭakṛccaturthībhyo 'muṣyai svāhā amuṣyai svāheti devatānām aparihāṇāya
- 8
अपि वाग्निहोत्रीम् एव नवान् आदयित्वा तस्यै दुग्धेन सायं प्रातर् अग्निहोत्रं जुहुयाद् उभयस्याप्त्यै
api vāgnihotrīm eva navān ādayitvā tasyai dugdhena sāyaṃ prātar agnihotraṃ juhuyād ubhayasyāptyai
- 9
एत एतावन्तः पाताः
eta etāvantaḥ pātāḥ
- 10
तेषां येन कामयेत तेन यजेत
teṣāṃ yena kāmayeta tena yajeta
- 11
त्रिहविस्तु स्थिता
trihavistu sthitā
- 12
त्रयो वा इमे लोकाः
trayo vā ime lokāḥ
- 13
इमान् एव तल्लोकान् आप्नोतीमान् एव तल्लोकान् आप्नोति
imān eva tallokān āpnotīmān eva tallokān āpnoti

