12 shlokas
- 1
अथ सर्वा ह वै देवता होतारं प्रातरनुवाकम् अनुवक्ष्यन्तम् आशंसमानाः प्रत्युपतिष्ठन्ते मया प्रतिपत्स्यते मया प्रतिपत्स्यत इति
atha sarvā ha vai devatā hotāraṃ prātaranuvākam anuvakṣyantam āśaṃsamānāḥ pratyupatiṣṭhante mayā pratipatsyate mayā pratipatsyata iti
- 2
स य एकां देवताम् आदिश्य प्रतिपद्येताथेतराभ्यो देवताभ्यो वृश्च्येत
sa ya ekāṃ devatām ādiśya pratipadyetāthetarābhyo devatābhyo vṛścyeta
- 3
अनिरुक्तया प्रतिपद्यते
aniruktayā pratipadyate
- 4
तेनो न कस्यै चन देवताया आवृश्च्यते
teno na kasyai cana devatāyā āvṛścyate
- 5
आपो रेवतीः क्षयथा हि वस्व इति प्रतिपद्यते
āpo revatīḥ kṣayathā hi vasva iti pratipadyate
- 6
आपो वै सर्वा देवताः
āpo vai sarvā devatāḥ
- 7
सर्वाभिर् एव तद्देवताभिः प्रतिपद्यते
sarvābhir eva taddevatābhiḥ pratipadyate
- 8
उपप्रयन्तो ऽध्वरम् इत्य् उपसंदधाति
upaprayanto 'dhvaram ity upasaṃdadhāti
- 9
उपेति तद् अस्य लोकस्य रूपं प्रयन्त इति तद् अमुष्य
upeti tad asya lokasya rūpaṃ prayanta iti tad amuṣya
- 10
उपेति तद् अग्ने रूपम्
upeti tad agne rūpam
- 11
प्रयन्त इति तद् अमुष्यादित्यस्य
prayanta iti tad amuṣyādityasya
- 12
एवम् एव सर्वासु प्रतिपत्सु सर्वेष्व् ऋतुषु
evam eva sarvāsu pratipatsu sarveṣv ṛtuṣu

