8 shlokas
- 1
ऊर्ध्वम् आग्रहायण्यास्तिस्रो ऽष्टमीष्वष्टकास्वपरपक्षेषु
ūrdhvam āgrahāyaṇyāstisro 'ṣṭamīṣvaṣṭakāsvaparapakṣeṣu
- 2
तासां प्रथमायां शाकं जुहोति
इयमेव सा या प्रथमा व्यौच्छद् अन्तरस्यां चरति प्रविष्टा
वधूर्जजान नवकं जनित्री त्रय एनां महिमानः सचन्तां स्वाहा
इति
tāsāṃ prathamāyāṃ śākaṃ juhoti
iyameva sā yā prathamā vyaucchad antarasyāṃ carati praviṣṭā
vadhūrjajāna navakaṃ janitrī traya enāṃ mahimānaḥ sacantāṃ svāhā
iti
- 3
अथ स्विष्टकृतः
यस्यां वैवस्वतो यमः सर्वे देवाः समाहिताः
अष्टका सर्वतोमुखी सा मे कामानतीतृपत्
आहुस्ते ग्रावाणो दन्तानूधः पवमानः
अर्धमासांश्च मासांश्चाङ्गानि नमस्ते सुमनामुखि स्वाहा
इति
atha sviṣṭakṛtaḥ
yasyāṃ vaivasvato yamaḥ sarve devāḥ samāhitāḥ
aṣṭakā sarvatomukhī sā me kāmānatītṛpat
āhuste grāvāṇo dantānūdhaḥ pavamānaḥ
ardhamāsāṃśca māsāṃścāṅgāni namaste sumanāmukhi svāhā
iti
- 4
मध्यमायां माघ्या वर्षे च महाव्याहृतयश्चतस्रो जुहोति ये तातृषुः इति चतस्रो ऽनुद्रुत्य वपां जुहुयात्
वह वपां जातवेदः पितृभ्यो यत्रैनान्वेत्थ सुकृतस्य लोके
मेदसः कुल्या उपस्रुताः स्रवन्ति सत्याः सन्तु यजमानस्य कामाः स्वाहा
इति
महाव्याहृतिभिश्चतसृभिः ये तातृषुः इति चतसृभिर् अष्टावाहुतीः स्थालीपाकोऽवदानमिश्रः
madhyamāyāṃ māghyā varṣe ca mahāvyāhṛtayaścatasro juhoti ye tātṛṣuḥ iti catasro 'nudrutya vapāṃ juhuyāt
vaha vapāṃ jātavedaḥ pitṛbhyo yatrainānvettha sukṛtasya loke
medasaḥ kulyā upasrutāḥ sravanti satyāḥ santu yajamānasya kāmāḥ svāhā
iti
mahāvyāhṛtibhiścatasṛbhiḥ ye tātṛṣuḥ iti catasṛbhir aṣṭāvāhutīḥ sthālīpāko'vadānamiśraḥ
- 5
अन्तर्हिता गिरयो ऽन्तर्हिता पृथिवी मही मे
दिवा दिग्भ्यश्च सर्वाभिर् अन्यमन्तर्दधे पितृभ्योऽमुष्मै स्वाहा
अन्तर्हिता ऋतवो ऽहोरात्रा सुसन्धिकाः
अर्धमासाश्च मासाश्चाङ्गानि नमस्ते सुमनामुखि स्वाहा
यास्तिष्ठन्ति याः स्रवन्ति या अद्भिः परितस्थुषीः
अद्भिः सर्वस्य भर्तृभिरन्यतः पितुर्दधेऽमुष्मै स्वाहा
यन्मे माता प्रलुलोभ चरत्य् अपतिव्रता
रेतस्तत्पिता वृङ्क्तामाहुरन्योऽवपद्यताममुष्मै स्वाहा
इति महाव्याहृतीनां वा स्थाने चतस्रोऽन्यत्रकरणस्य
antarhitā girayo 'ntarhitā pṛthivī mahī me
divā digbhyaśca sarvābhir anyamantardadhe pitṛbhyo'muṣmai svāhā
antarhitā ṛtavo 'horātrā susandhikāḥ
ardhamāsāśca māsāścāṅgāni namaste sumanāmukhi svāhā
yāstiṣṭhanti yāḥ sravanti yā adbhiḥ paritasthuṣīḥ
adbhiḥ sarvasya bhartṛbhiranyataḥ piturdadhe'muṣmai svāhā
yanme mātā pralulobha caraty apativratā
retastatpitā vṛṅktāmāhuranyo'vapadyatāmamuṣmai svāhā
iti mahāvyāhṛtīnāṃ vā sthāne catasro'nyatrakaraṇasya
- 6
उत्तमायाम् अपूपान्जुहोति
उक्थ्यश्चातिरात्रश्च सद्यस्क्रीश्छन्दसा सह
अन्ये च क्रतवो देवा ऋषयः पितरस्तथा
ऋतवः सर्वभूतानि शिवाः शान्ताश्च मे सदा
सन्तु मे ऽपूपकृताम् अष्टके नमस्ते सुमनामुखि स्वाहा
इति समानं स्विष्टकृत्
uttamāyām apūpānjuhoti
ukthyaścātirātraśca sadyaskrīśchandasā saha
anye ca kratavo devā ṛṣayaḥ pitarastathā
ṛtavaḥ sarvabhūtāni śivāḥ śāntāśca me sadā
santu me 'pūpakṛtām aṣṭake namaste sumanāmukhi svāhā
iti samānaṃ sviṣṭakṛt
- 7
श्वो ऽन्वष्टक्यां पिण्डपितृयज्ञावृता गोपशुर् अजस्थालीपाको वा गोग्रासमाहरेदपि वा कक्षम् उ दहेद् एषा मेऽष्टका इति
śvo 'nvaṣṭakyāṃ piṇḍapitṛyajñāvṛtā gopaśur ajasthālīpāko vā gogrāsamāharedapi vā kakṣam u dahed eṣā me'ṣṭakā iti
- 8
न त्वेव न कुर्वीत न त्वेव न कुर्वीत
na tveva na kurvīta na tveva na kurvīta

