22 shlokas
- 1
शमितारं शास्ति त्रिः प्रच्यावयतात्त्रिः प्रच्युतस्य हृदयम् उत्तमं कुरुताद्यत्त्वा पृच्छाच्छृतं हविः शमिता३र् इति शृतम् इत्य् एव ब्रूतान्न शृतं भगवो न शृतं हीति
śamitāraṃ śāsti triḥ pracyāvayatāttriḥ pracyutasya hṛdayam uttamaṃ kurutādyattvā pṛcchācchṛtaṃ haviḥ śamitā3r iti śṛtam ity eva brūtānna śṛtaṃ bhagavo na śṛtaṃ hīti
- 2
त्रिःप्रच्युते हृदयं प्रवृह्योत्तमं करोति
triḥpracyute hṛdayaṃ pravṛhyottamaṃ karoti
- 3
शूलं चाभूमौ
śūlaṃ cābhūmau
- 4
जुह्वा पृषदाज्यस्यादायोपनिष्क्रम्य पृच्छति शृतं हविः शमिता३र् इति त्रिर् अभिक्रामम्
juhvā pṛṣadājyasyādāyopaniṣkramya pṛcchati śṛtaṃ haviḥ śamitā3r iti trir abhikrāmam
- 5
प्रोक्ते तद्देवानाम् इत्य् आहोपांशु
prokte taddevānām ity āhopāṃśu
- 6
सं ते मन इति हृदयम् अभिघार्य सर्वम्
saṃ te mana iti hṛdayam abhighārya sarvam
- 7
पश्वसी वपावद्धृत्वा दक्षिणतः प्रतिप्रस्थाता वेद्यां प्लक्षशाखास्व् अवद्यति
paśvasī vapāvaddhṛtvā dakṣiṇataḥ pratiprasthātā vedyāṃ plakṣaśākhāsv avadyati
- 8
जुहूपभृतोर् उपस्तृणीते वसाहोमहवन्यां पात्र्यां च
juhūpabhṛtor upastṛṇīte vasāhomahavanyāṃ pātryāṃ ca
- 9
मनोतायै हविषो ऽवदीयमानस्यानुब्रूहीत्य् उक्ते स्रुचोर् अवद्यति यथोक्तं द्विर्द्विः
manotāyai haviṣo 'vadīyamānasyānubrūhīty ukte srucor avadyati yathoktaṃ dvirdviḥ
- 10
अशेषे गुदतृतीये
aśeṣe gudatṛtīye
- 11
वपावद्धिरण्यम्
vapāvaddhiraṇyam
- 12
रेड् असीति वसां गृहीत्वा द्विर् अभिघार्य प्रयुतम् इति पार्श्वेन संसृजत्य् असिना वा
reḍ asīti vasāṃ gṛhītvā dvir abhighārya prayutam iti pārśvena saṃsṛjaty asinā vā
- 13
शेषम् इडापात्र्याम् आसिच्य क्रोडम् अनस्थीनि च प्रास्यति श्रोणिवर्जम्
śeṣam iḍāpātryām āsicya kroḍam anasthīni ca prāsyati śroṇivarjam
- 14
जाघनीगुदं निधायाहेन्द्राग्निभ्यां छागस्य हविषो ऽनुब्रूहीति
jāghanīgudaṃ nidhāyāhendrāgnibhyāṃ chāgasya haviṣo 'nubrūhīti
- 15
आश्राव्याहेन्द्राग्निभ्यां छागस्य हविः प्रेष्येति
āśrāvyāhendrāgnibhyāṃ chāgasya haviḥ preṣyeti
- 16
प्रस्थितम् इति च प्रसुते
prasthitam iti ca prasute
- 17
अर्धर्चान्तरे याज्यायै वसैकदेशं जुहोति घृतं घृतपावान इति
ardharcāntare yājyāyai vasaikadeśaṃ juhoti ghṛtaṃ ghṛtapāvāna iti
- 18
दैवतं हुत्वा प्रदक्षिणम् आवृत्य जुह्वा पृषदाज्यस्योपघ्नन्न् आह वनस्पतये ऽनुब्रूहीति
daivataṃ hutvā pradakṣiṇam āvṛtya juhvā pṛṣadājyasyopaghnann āha vanaspataye 'nubrūhīti
- 19
आश्राव्याह वनस्पतये प्रेष्येति
āśrāvyāha vanaspataye preṣyeti
- 20
हुत्वा समानीय सौविष्टकृतम्
hutvā samānīya sauviṣṭakṛtam
- 21
प्रत्येत्य वा दिशो व्याघारयति वसाशेषेण वाजिनवत्
pratyetya vā diśo vyāghārayati vasāśeṣeṇa vājinavat
- 22
सर्वं जुहोति
sarvaṃ juhoti

