Kathaka Grhya Sutra · Chapter 41 41.7
41.7जरां गच्छ परिधत्स्व वासो ऽभूर् आपीवान् अभिशस्तिपावा
शतं च जीव शरदः पुरूची रायश्च पोषम् उपसंव्ययस्व
परीमं सोमं तेजसे महे श्रोत्राय दध्मसि
यथैनं जरसं नयज्ज्योक्श्रोत्राय जागरज्ज्योक्श्रोत्रे ऽधि जागरद् इति ब्राह्मणस्य
परीमम् इन्द्रम् ओजसे महे क्षत्राय दध्मसि
यथैनं जरसं नयज्ज्योक्क्षत्राय जागरज्ज्योक्क्षत्रे ऽधि जागरद् इति राजन्यस्य
परीमं मनुम् आयुषे महे पोषाय दध्मसि
यथैनं जरसं नयज्ज्योक्पोषाय जागरज्ज्योक्पोषे ऽधि जागरद् इति वैश्यस्य
परीदं वासोऽधिथाः स्वस्तये भवापीवान् अभिशस्तिपावा
शतं च जीव शरदः सुवीरो वसूनि चोग्रो विभजस्व जीवन्न् इति परिहितवाससम् अनुमन्त्रयते योगे योगे युवा सुवासा इति चैताभ्याम्
Transliteration
jarāṃ gaccha paridhatsva vāso 'bhūr āpīvān abhiśastipāvā
śataṃ ca jīva śaradaḥ purūcī rāyaśca poṣam upasaṃvyayasva
parīmaṃ somaṃ tejase mahe śrotrāya dadhmasi
yathainaṃ jarasaṃ nayajjyokśrotrāya jāgarajjyokśrotre 'dhi jāgarad iti brāhmaṇasya
parīmam indram ojase mahe kṣatrāya dadhmasi
yathainaṃ jarasaṃ nayajjyokkṣatrāya jāgarajjyokkṣatre 'dhi jāgarad iti rājanyasya
parīmaṃ manum āyuṣe mahe poṣāya dadhmasi
yathainaṃ jarasaṃ nayajjyokpoṣāya jāgarajjyokpoṣe 'dhi jāgarad iti vaiśyasya
parīdaṃ vāso'dhithāḥ svastaye bhavāpīvān abhiśastipāvā
śataṃ ca jīva śaradaḥ suvīro vasūni cogro vibhajasva jīvann iti parihitavāsasam anumantrayate yoge yoge yuvā suvāsā iti caitābhyām
By System Admin
Translation
Draft in progress