Kamasutra · 5.3 5.3.13
5.3.13अनभियुक्ताप्याकारयति
विविक्ते चात्मानं दर्शयति
सवेपथुगद्गदं वदति
स्विन्नकरचरणाङ्गुलिः स्विन्नमुखी च भवति
शिरःपीडने संवाहने चोर्वोर् आत्मानं नायके नियोजयति
आतुरा संवाहिका चैकेन हस्तेन संवाहयन्ती द्वितीयेन बाहुना स्पर्शम् आवेदयति श्लेषयति च
विस्मितभावा
निद्रान्धा वा परिस्पृश्योरुभ्यां बाहुभ्याम् अपि तिष्ठति
अलिकैकदेशम् ऊर्वोर् उपरि पातयति
ऊरूमूलसंवाहने नियुक्ता न प्रतिलोमयति
तत्रैव हस्तम् एकम् अविचलं न्यस्यति
अङ्गसंदंशेन च पीडितं चिराद् अपनयति
प्रतिगृह्यैवं नायकाभियोगान्पुनर्द्वितीये अहनि संवाहनायोपगच्छति
नात्यर्थं संसृज्यते
न च परिहरति
विविक्ते भावं दर्शयति निष्कारणं चागूढम् अन्यत्र प्रच्छन्नप्रदेशात्
संनिकृष्टपरिचारकोपभोग्या सा चेद् आकारितापि तथैव स्यात्सा मर्मज्ञया दूत्या साध्या
व्यावर्तमाना तु तर्कणीयेति भावपरीक्षा
Transliteration
anabhiyuktāpyākārayati
vivikte cātmānaṃ darśayati
savepathugadgadaṃ vadati
svinnakaracaraṇāṅguliḥ svinnamukhī ca bhavati
śiraḥpīḍane saṃvāhane corvor ātmānaṃ nāyake niyojayati
āturā saṃvāhikā caikena hastena saṃvāhayantī dvitīyena bāhunā sparśam āvedayati śleṣayati ca
vismitabhāvā
nidrāndhā vā parispṛśyorubhyāṃ bāhubhyām api tiṣṭhati
alikaikadeśam ūrvor upari pātayati
ūrūmūlasaṃvāhane niyuktā na pratilomayati
tatraiva hastam ekam avicalaṃ nyasyati
aṅgasaṃdaṃśena ca pīḍitaṃ cirād apanayati
pratigṛhyaivaṃ nāyakābhiyogānpunardvitīye ahani saṃvāhanāyopagacchati
nātyarthaṃ saṃsṛjyate
na ca pariharati
vivikte bhāvaṃ darśayati niṣkāraṇaṃ cāgūḍham anyatra pracchannapradeśāt
saṃnikṛṣṭaparicārakopabhogyā sā ced ākāritāpi tathaiva syātsā marmajñayā dūtyā sādhyā
vyāvartamānā tu tarkaṇīyeti bhāvaparīkṣā
By System Admin
Translation
Draft in progress