Hitopadesha · Book 2 2.156
2.156इत्य् उक्त्वा दीर्घः निःश्वस्योपविष्टः
संजीवको ब्रूते मित्र तथापि सविस्तरं मनोगतम् उच्यताम्
दमनकः सुनिभृतम् आह यद्यपि राजविश्वासो न कथनीयस्तथापि भवान् अस्मदीयप्रत्ययाद् आगतः
मया परलोकार्थिनावश्यं तव हितम् आख्येयम्
शृणु अयं स्वामी तवोपरि विकृतबुद्धी रहस्य् उक्तवान्संजीवकम् एव हत्वा स्वपरिवारं तर्पयामि
एतच्छ्रुत्वा संजीवकः परं विषादम् अगमत्
दमनकः पुनर् आहालं विषादेन
प्राप्तकालकायम् अनुष्ठीयताम्
संजीवकः क्षणं विमृश्याह स्वगतं सुष्ठु खल्व् इदम् उच्यते
किं वा दुर्जनचेष्टितं न वेत्य् एतद्व्यवहारान्निर्णेतुं न शक्यते
यतः
दुर्जनगम्या नार्यः प्रायेणापात्रभृद्भवति राजा
कृपणानुसारि च धनं देवो गिरिजलधिवर्षी च
Transliteration
ity uktvā dīrghaḥ niḥśvasyopaviṣṭaḥ
saṃjīvako brūte mitra tathāpi savistaraṃ manogatam ucyatām
damanakaḥ sunibhṛtam āha yadyapi rājaviśvāso na kathanīyastathāpi bhavān asmadīyapratyayād āgataḥ
mayā paralokārthināvaśyaṃ tava hitam ākhyeyam
śṛṇu ayaṃ svāmī tavopari vikṛtabuddhī rahasy uktavānsaṃjīvakam eva hatvā svaparivāraṃ tarpayāmi
etacchrutvā saṃjīvakaḥ paraṃ viṣādam agamat
damanakaḥ punar āhālaṃ viṣādena
prāptakālakāyam anuṣṭhīyatām
saṃjīvakaḥ kṣaṇaṃ vimṛśyāha svagataṃ suṣṭhu khalv idam ucyate
kiṃ vā durjanaceṣṭitaṃ na vety etadvyavahārānnirṇetuṃ na śakyate
yataḥ
durjanagamyā nāryaḥ prāyeṇāpātrabhṛdbhavati rājā
kṛpaṇānusāri ca dhanaṃ devo girijaladhivarṣī ca
By System Admin
Translation
Draft in progress