Harshacharita · Ucchvasa 6 6.43
6.43मम हि भूभृति पर्यस्ते निरवशेषतः प्रस्रवणानीव स्रुतान्य् अश्रूण्य् अस्तमिते महति तेजस्य् अन्धकारीभूतदशाशस्य प्रनष्टः प्रज्ञालोकः प्रज्वलितं हृदयम् आत्मदाहभीत इव स्वप्ने ऽपि नोपसर्पति विवेकः बलीयसा संतापेन जातुषम् इव विलीनम् अखिलं धैर्यम्पदे पदे दिग्धरोपाहतेव हरिणी मुह्यति मतिः पुरुषद्वेषिणीव दूरत एव भ्रमति परिहरति स्मृतिः अम्बेव तातेनैव सह गता धृतिः वार्धुषिकप्रयुक्तानीव धनानीव प्रतिदिवसं वर्धन्ते दुःखानि शोकानलधूमसंभारसंभूताम्भोधरभरितम् इव वर्षति नयनवारिधाराविसरं शरीरम्
Transliteration
mama hi bhūbhṛti paryaste niravaśeṣataḥ prasravaṇānīva srutāny aśrūṇy astamite mahati tejasy andhakārībhūtadaśāśasya pranaṣṭaḥ prajñālokaḥ prajvalitaṃ hṛdayam ātmadāhabhīta iva svapne 'pi nopasarpati vivekaḥ balīyasā saṃtāpena jātuṣam iva vilīnam akhilaṃ dhairyampade pade digdharopāhateva hariṇī muhyati matiḥ puruṣadveṣiṇīva dūrata eva bhramati pariharati smṛtiḥ ambeva tātenaiva saha gatā dhṛtiḥ vārdhuṣikaprayuktānīva dhanānīva pratidivasaṃ vardhante duḥkhāni śokānaladhūmasaṃbhārasaṃbhūtāmbhodharabharitam iva varṣati nayanavāridhārāvisaraṃ śarīram
By System Admin
Translation
Draft in progress