Sanskrit

Harshacharita · Ucchvasa 6 6.223

6.223

आ रविरथचक्रचीत्कारचकितचारणमिथुनमुक्तसानोर् उदयाचलात् आ त्रिकूटकटककुट्टाकटङ्कलिखितकाकुत्स्थलङ्कालुण्ठनव्यतिकरात्सुवेलात् आ वारुणीमदस्खलितवरुणवरनारीनूपुररवमुखरकुहरकुक्षेर् अस्तगिरेः आ गुह्यकगेहिनीपरिमलसुगन्धिगन्धपाषाणवासितगुहागृहाच्च गन्धमादनात्सर्वेषां राज्ञां सज्जीक्रियन्तां कराः करदानाय शस्त्रग्रहणाय वा गृह्यन्तां दिशश्चामराणि वा नमन्तु शिरांसि धनूंषि वा कर्णपूरीक्रियन्ताम् आज्ञा मौर्व्यो वा शेखरीभवन्तु पादरजांसि शिरस्त्राणि वा घटन्ताम् अञ्जलयः करिघटाबन्धा वा मुच्यन्तां भूमय इषवो वा समालम्ब्यन्तां वेत्रयष्टयः कुन्तयष्टयो वा सुदृष्टः क्रियताम् आत्मा मच्चरणनखेषु कृपाणदर्पणेषु वा

Transliteration

ā ravirathacakracītkāracakitacāraṇamithunamuktasānor udayācalāt ā trikūṭakaṭakakuṭṭākaṭaṅkalikhitakākutsthalaṅkāluṇṭhanavyatikarātsuvelāt ā vāruṇīmadaskhalitavaruṇavaranārīnūpuraravamukharakuharakukṣer astagireḥ ā guhyakagehinīparimalasugandhigandhapāṣāṇavāsitaguhāgṛhācca gandhamādanātsarveṣāṃ rājñāṃ sajjīkriyantāṃ karāḥ karadānāya śastragrahaṇāya vā gṛhyantāṃ diśaścāmarāṇi vā namantu śirāṃsi dhanūṃṣi vā karṇapūrīkriyantām ājñā maurvyo vā śekharībhavantu pādarajāṃsi śirastrāṇi vā ghaṭantām añjalayaḥ karighaṭābandhā vā mucyantāṃ bhūmaya iṣavo vā samālambyantāṃ vetrayaṣṭayaḥ kuntayaṣṭayo vā sudṛṣṭaḥ kriyatām ātmā maccaraṇanakheṣu kṛpāṇadarpaṇeṣu vā

By System Admin

Translation

Draft in progress