Harshacharita · Ucchvasa 6 6.138
6.138ततश्चामर्षविधुतशिरःशीर्यमाणशिखामणिशकलाङ्गारकिताङ्गम् इव रोषाग्निम् उद्वमन्न् अनवरतस्फुरितेन पिबन्न् इव सर्वतेजस्विनाम् आयूंषि रोषनिर्भुग्नेन दशनच्छदेन लोहितायमानलोचनालोकविक्षेपैर्दिग्दाहान् इव दर्शयन्रोषानलेनाप्य् असह्यसहजशौर्योष्मदहनदह्यमानेनेव वितन्यमानस्वेदसलिलशीकरासारदुर्दिनः स्वावयवैर् अप्य् अदृष्टपूर्वप्रकोपभीतैर् इव कम्पमानैर् उपेतः हर इव कृतभैरवाकारः हरिर् इव प्रकटितनरसिंहरूपः सूर्यकान्तशैल इवापरतेजःप्रसरदर्शनप्रज्वलितः क्षयदिवस इवोदितद्वादशदिनकरदुर्निरीक्ष्यमूर्तिः महोत्पातमारुत इव सकलभूभृत्प्रकम्पकारी विन्ध्य इव वर्धमानविग्रहोत्सेधः महाशीविष इव दुर्नरेन्द्राभिभवरोषितः पारीक्षित इव सर्वभोगिदहनोद्यतः वृकोदर इव रिपुरुधिरतृषितः सुरगज इव प्रतिपक्षवारणप्रधावितः पूर्वागम इव पौरुषस्य उन्माद इव मदस्य आवेग इवावलेपस्य तारुण्यावतार इव तेजसः सर्वोद्योग इव दर्पस्य युगागम इव यौवनोष्मणः राज्याभिषेक इव रणरसस्य नीराजनदिवस इवासहिष्णुतायाः परां भीषणताम् अयासीत्
Transliteration
tataścāmarṣavidhutaśiraḥśīryamāṇaśikhāmaṇiśakalāṅgārakitāṅgam iva roṣāgnim udvamann anavaratasphuritena pibann iva sarvatejasvinām āyūṃṣi roṣanirbhugnena daśanacchadena lohitāyamānalocanālokavikṣepairdigdāhān iva darśayanroṣānalenāpy asahyasahajaśauryoṣmadahanadahyamāneneva vitanyamānasvedasalilaśīkarāsāradurdinaḥ svāvayavair apy adṛṣṭapūrvaprakopabhītair iva kampamānair upetaḥ hara iva kṛtabhairavākāraḥ harir iva prakaṭitanarasiṃharūpaḥ sūryakāntaśaila ivāparatejaḥprasaradarśanaprajvalitaḥ kṣayadivasa ivoditadvādaśadinakaradurnirīkṣyamūrtiḥ mahotpātamāruta iva sakalabhūbhṛtprakampakārī vindhya iva vardhamānavigrahotsedhaḥ mahāśīviṣa iva durnarendrābhibhavaroṣitaḥ pārīkṣita iva sarvabhogidahanodyataḥ vṛkodara iva ripurudhiratṛṣitaḥ suragaja iva pratipakṣavāraṇapradhāvitaḥ pūrvāgama iva pauruṣasya unmāda iva madasya āvega ivāvalepasya tāruṇyāvatāra iva tejasaḥ sarvodyoga iva darpasya yugāgama iva yauvanoṣmaṇaḥ rājyābhiṣeka iva raṇarasasya nīrājanadivasa ivāsahiṣṇutāyāḥ parāṃ bhīṣaṇatām ayāsīt
By System Admin
Translation
Draft in progress