Harshacharita · Ucchvasa 6 6.103
6.103रक्षणीय इति भवद्भुजपञ्जरो रक्षास्थानम् अशक्त इति क्व परीक्षितो ऽस्मि संवर्धनीय इति वियोगस्तनूकरोति अक्लेशसह इति स्त्रीपक्षे निक्षिप्तो ऽस्मि सुखम् अनुभवत्व् इति त्वयैव सह तत्प्रयाति महान् अध्वनः क्लेश इति विरहो ऽविषह्यतरः कलत्रं रक्षत्व् इति श्रीस्ते निस्त्रिंशे ऽधिवसति पृष्ठतः शून्यम् इति तिष्ठत्य् एव प्रतापः राजकम् अनधिष्ठितम् इति तत्सुबद्धम् आर्यगुणैः न बाह्यः सहायो महत इति व्यतिरिक्तम् एव मां गणयति प्रलघुपरिकरः प्रयामीति पादरजसि को ऽतिभारः द्वयोर्गमनम् असांप्रतम् इति माम् अनुगृहाण गमनाज्ञया कातरो भ्रातृस्नेह इति सदृशो दोषः
Transliteration
rakṣaṇīya iti bhavadbhujapañjaro rakṣāsthānam aśakta iti kva parīkṣito 'smi saṃvardhanīya iti viyogastanūkaroti akleśasaha iti strīpakṣe nikṣipto 'smi sukham anubhavatv iti tvayaiva saha tatprayāti mahān adhvanaḥ kleśa iti viraho 'viṣahyataraḥ kalatraṃ rakṣatv iti śrīste nistriṃśe 'dhivasati pṛṣṭhataḥ śūnyam iti tiṣṭhaty eva pratāpaḥ rājakam anadhiṣṭhitam iti tatsubaddham āryaguṇaiḥ na bāhyaḥ sahāyo mahata iti vyatiriktam eva māṃ gaṇayati pralaghuparikaraḥ prayāmīti pādarajasi ko 'tibhāraḥ dvayorgamanam asāṃpratam iti mām anugṛhāṇa gamanājñayā kātaro bhrātṛsneha iti sadṛśo doṣaḥ
By System Admin
Translation
Draft in progress