Harshacharita · Ucchvasa 5 5.94
5.94आहर हारान्हरिणि मणिदर्पणान्मे देहे देहि वैदेहि हिमलवैर्लिम्प ललाटं लीलावति घनसारक्षोदधूलीर्निधेहि धवलाक्षि निक्षिप चक्षुषि चन्द्रकान्तं कान्तिमति कपोले कलय कुवलयं कलावति चन्दनचर्चां रचय चारुमति पाटय पटमारुतं पाटलिके मन्दय दाहम् इन्दुमति अरविन्दैर्जनय जलार्द्रया मुदं मदिरावति समुपनय मृणालानि मालति तरलय तालवृन्तम् आवन्तिके मूर्धानं धावमानं बधान बन्धुमति कन्धरां धारय धारणिके उरसि सशीकरं करं कुरु कुरङ्गवति संवाहय बाहू बलाहिके पीडय पादौ पद्मावति गृहाण गाढम् अङ्गम् अनङ्गसेने का वेला वर्तते विलासवति नैति निद्रा कथाः कथय कुमुद्वति इत्य् एवंप्रायान्पितुर् आलापान् अनवरतम् आकर्णयन्दूयमानहृदयो दुःखदीर्घां जाग्रद् एव निशाम् अनैषीत्
Transliteration
āhara hārānhariṇi maṇidarpaṇānme dehe dehi vaidehi himalavairlimpa lalāṭaṃ līlāvati ghanasārakṣodadhūlīrnidhehi dhavalākṣi nikṣipa cakṣuṣi candrakāntaṃ kāntimati kapole kalaya kuvalayaṃ kalāvati candanacarcāṃ racaya cārumati pāṭaya paṭamārutaṃ pāṭalike mandaya dāham indumati aravindairjanaya jalārdrayā mudaṃ madirāvati samupanaya mṛṇālāni mālati taralaya tālavṛntam āvantike mūrdhānaṃ dhāvamānaṃ badhāna bandhumati kandharāṃ dhāraya dhāraṇike urasi saśīkaraṃ karaṃ kuru kuraṅgavati saṃvāhaya bāhū balāhike pīḍaya pādau padmāvati gṛhāṇa gāḍham aṅgam anaṅgasene kā velā vartate vilāsavati naiti nidrā kathāḥ kathaya kumudvati ity evaṃprāyānpitur ālāpān anavaratam ākarṇayandūyamānahṛdayo duḥkhadīrghāṃ jāgrad eva niśām anaiṣīt
By System Admin
Translation
Draft in progress