Sanskrit

Harshacharita · Ucchvasa 5 5.43

5.43

मन्दं मन्दं द्वारपालैः प्रणम्यमानश्च दीयमानसर्वस्वम्पूज्यमानकुलदेवतम्प्रारब्धामृतचरुपचनक्रियम्क्रियमाणषडाहुतिहोमम्हूयमानपृषदाज्यलवलिप्तप्रचलदूर्वापल्लवम्पठ्यमानमहामायूरीप्रवर्त्यमानगृहशान्तिनिर्वर्त्यमानभूतरक्षाबलिविधानम्प्रयतविप्रप्रस्तुतसंहिताजपम्जप्यमानरुद्रैकादशीशब्दायमानशिवगृहम् अतिशुचिशैवसंपाद्यमानविरूपाक्षक्षीरकलशसहस्रस्नपनम् अजिरोपविष्टैश्चानासादितस्वामिदर्शनदूयमानमानसैर् अभ्यन्तरनिष्पतितनिकटवर्तिपरिजननिवेद्यमानवार्तैर्वार्त्तीभूतस्नानभोजनशयनैर् उज्झितात्मसंस्कारमलिनवेशैर्लिखितैर् इव निश्चलैर्नरपतिभिर्नीयमाननक्तंदिवं दुःखदीनवदनेन च प्रघणेषु बद्धमण्डलेनोपांशुव्याहृतैः केनचिच्चिकित्सकदोषान् उद्भावयता केनचिद् असाध्यव्याधिलक्षणपदानि पठता केनचिद्दुःस्वप्नान् आवेदयता केनचित्पिशाचवार्तां विवृण्वता केनचित्कार्तान्तिकादेशान्प्रकाशयता केनचिद् उपलिङ्गानि गायता अन्येनानित्यतां भावयता संसारं चापवदता कलिकालविलसितानि च निन्दता दैवं चोपालभमानेनापरेण धर्माय कुप्यता राजकुलदेवताश्चाधिक्षिपता अपरेण क्लिष्टकुलपुत्रकभाग्यानि गर्हयता बाह्यपरिजनेन कथ्यमानकष्टपार्थिवावस्थं राजकुलं विवेश

Transliteration

mandaṃ mandaṃ dvārapālaiḥ praṇamyamānaśca dīyamānasarvasvampūjyamānakuladevatamprārabdhāmṛtacarupacanakriyamkriyamāṇaṣaḍāhutihomamhūyamānapṛṣadājyalavaliptapracaladūrvāpallavampaṭhyamānamahāmāyūrīpravartyamānagṛhaśāntinirvartyamānabhūtarakṣābalividhānamprayatavipraprastutasaṃhitājapamjapyamānarudraikādaśīśabdāyamānaśivagṛham atiśuciśaivasaṃpādyamānavirūpākṣakṣīrakalaśasahasrasnapanam ajiropaviṣṭaiścānāsāditasvāmidarśanadūyamānamānasair abhyantaraniṣpatitanikaṭavartiparijananivedyamānavārtairvārttībhūtasnānabhojanaśayanair ujjhitātmasaṃskāramalinaveśairlikhitair iva niścalairnarapatibhirnīyamānanaktaṃdivaṃ duḥkhadīnavadanena ca praghaṇeṣu baddhamaṇḍalenopāṃśuvyāhṛtaiḥ kenaciccikitsakadoṣān udbhāvayatā kenacid asādhyavyādhilakṣaṇapadāni paṭhatā kenacidduḥsvapnān āvedayatā kenacitpiśācavārtāṃ vivṛṇvatā kenacitkārtāntikādeśānprakāśayatā kenacid upaliṅgāni gāyatā anyenānityatāṃ bhāvayatā saṃsāraṃ cāpavadatā kalikālavilasitāni ca nindatā daivaṃ copālabhamānenāpareṇa dharmāya kupyatā rājakuladevatāścādhikṣipatā apareṇa kliṣṭakulaputrakabhāgyāni garhayatā bāhyaparijanena kathyamānakaṣṭapārthivāvasthaṃ rājakulaṃ viveśa

By System Admin

Translation

Draft in progress