Sanskrit

Harshacharita · Ucchvasa 5 5.36

5.36

अन्यस्मिन्न् अहनि मध्यंदिने विगतजयशब्दम् अस्तमिततूर्यनादम् उपसंहृतगीतम् उत्सारितोत्सवम् अप्रगीतचारणम् अप्रसारितापणपण्यम्स्थानस्थानेषु पवनबलकुटिलाभिः कोटिहोमधूमलेखाभिर् उल्लसन्तीभिर्यममहिषविषाणकोटिभिर् इवोल्लिख्यमानम्कृतान्तपाशवागुराभिर् इव वेष्ट्यमानम् उपरि कालमहिषालंकारकालायसकिङ्किणीभिर् इव कटु क्वणन्तीभिर्दिवसम्वायसमण्डलीभिर्भ्रमन्तीभिर् आवेद्यमानप्रत्यासन्नाशुभम्क्वचित्प्रतिशायितस्निग्धबान्धवाराध्यमानाहिर्बुध्नम्क्वचिद्दीपिकादह्यमानकुलपुत्रकप्रसाद्यमानमातृमण्डलम्क्वचिन्मुण्डोपहारहरणोद्यतद्रविडप्रार्थ्यमानामर्दकम्क्वचिद् आन्ध्रोद्ध्रियमानबाहुवप्रोपयाच्यमानचण्डिकम् अन्यत्र शिरोविधृतविलीयमानगुग्गुलुविकलनवसेवकानुनीयमानमहाकालम् अपरत्र निशितशस्त्रीनिकृत्तात्ममांसहोमप्रसक्ताप्तवर्गम् अपरत्र प्रकाशनरपतिकुमारकक्रियमाणमहामांसविक्रयप्रक्रमम् उपहतम् इव श्मशानपांशुभिर् अमङ्गलैर् इव परिगृहीतम्यातुधानैर् इव विध्वस्तम्कलिकालेनेव कवलितम्पापपटलैर् इव संछादितम् अधर्मविक्षेपैर् इव लुण्ठितम् अनित्यताधिकारैर् इवाक्रान्तम्नियतिविलासैर् इवात्मीकृतम्शून्यम् इव सुप्तम् इव मुषितम् इव विलक्षितम् इव छलितम् इव मूर्छितम् इव स्कन्धावारं समाससाद

Transliteration

anyasminn ahani madhyaṃdine vigatajayaśabdam astamitatūryanādam upasaṃhṛtagītam utsāritotsavam apragītacāraṇam aprasāritāpaṇapaṇyamsthānasthāneṣu pavanabalakuṭilābhiḥ koṭihomadhūmalekhābhir ullasantībhiryamamahiṣaviṣāṇakoṭibhir ivollikhyamānamkṛtāntapāśavāgurābhir iva veṣṭyamānam upari kālamahiṣālaṃkārakālāyasakiṅkiṇībhir iva kaṭu kvaṇantībhirdivasamvāyasamaṇḍalībhirbhramantībhir āvedyamānapratyāsannāśubhamkvacitpratiśāyitasnigdhabāndhavārādhyamānāhirbudhnamkvaciddīpikādahyamānakulaputrakaprasādyamānamātṛmaṇḍalamkvacinmuṇḍopahāraharaṇodyatadraviḍaprārthyamānāmardakamkvacid āndhroddhriyamānabāhuvapropayācyamānacaṇḍikam anyatra śirovidhṛtavilīyamānagugguluvikalanavasevakānunīyamānamahākālam aparatra niśitaśastrīnikṛttātmamāṃsahomaprasaktāptavargam aparatra prakāśanarapatikumārakakriyamāṇamahāmāṃsavikrayaprakramam upahatam iva śmaśānapāṃśubhir amaṅgalair iva parigṛhītamyātudhānair iva vidhvastamkalikāleneva kavalitampāpapaṭalair iva saṃchāditam adharmavikṣepair iva luṇṭhitam anityatādhikārair ivākrāntamniyativilāsair ivātmīkṛtamśūnyam iva suptam iva muṣitam iva vilakṣitam iva chalitam iva mūrchitam iva skandhāvāraṃ samāsasāda

By System Admin

Translation

Draft in progress