Sanskrit

Harshacharita · Ucchvasa 5 5.246

5.246

अजनि चास्य चेतसि ताते दूरीभूते संप्रत्य् एतावान्खलु जीवलोकः लोकस्य भग्नाः पन्थानः मनोरथानां खिलीभूतानि भूतिस्थानानि स्थगितान्य् आनन्दस्य द्वाराणि सुप्ता सत्यवादिता लुप्ता लोकयात्रा विलीना बाहुशालिता प्रलीना प्रियालापिता प्रोषिताः पुरुषकारविहारविकाराः समाप्ता समरशौण्डता ध्वस्ता परगुणप्रीतिः विश्रान्ता विश्वासभूमयः अपदान्य् अपदानानि निरुपयोगानि शास्त्राणि निरवलम्बना विक्रमैकरसता कथावशेषा विशेषज्ञता ददातु जनो जलाञ्जलिम् और्जित्याय प्रतिपद्यतां प्रव्रज्यां प्रजापालता बध्नातु वैधव्यवेणीं वरमनुष्यता समाश्रयतु राजश्रीर् आश्रमपदम्परिधत्तां धवले वाससी वसुमती वहतु वल्कले विलासिता तपस्यतु तपोवनेषु तेजस्विता प्रावृणोतु चीवरे वीरता क्व गम्यतां पुनस्तस्य कृते कृतज्ञतया क्व पुनः प्राप्स्यति तादृशान्महापुरुषनिर्माणपरमाणून्परमेष्ठी शून्याः संवृत्ता दश दिशो गुणानाम्जगज्जातम् अन्धकारं धर्मस्य निष्फलम् अधुना जन्म शस्त्रोपजीविनाम्

Transliteration

ajani cāsya cetasi tāte dūrībhūte saṃpraty etāvānkhalu jīvalokaḥ lokasya bhagnāḥ panthānaḥ manorathānāṃ khilībhūtāni bhūtisthānāni sthagitāny ānandasya dvārāṇi suptā satyavāditā luptā lokayātrā vilīnā bāhuśālitā pralīnā priyālāpitā proṣitāḥ puruṣakāravihāravikārāḥ samāptā samaraśauṇḍatā dhvastā paraguṇaprītiḥ viśrāntā viśvāsabhūmayaḥ apadāny apadānāni nirupayogāni śāstrāṇi niravalambanā vikramaikarasatā kathāvaśeṣā viśeṣajñatā dadātu jano jalāñjalim aurjityāya pratipadyatāṃ pravrajyāṃ prajāpālatā badhnātu vaidhavyaveṇīṃ varamanuṣyatā samāśrayatu rājaśrīr āśramapadamparidhattāṃ dhavale vāsasī vasumatī vahatu valkale vilāsitā tapasyatu tapovaneṣu tejasvitā prāvṛṇotu cīvare vīratā kva gamyatāṃ punastasya kṛte kṛtajñatayā kva punaḥ prāpsyati tādṛśānmahāpuruṣanirmāṇaparamāṇūnparameṣṭhī śūnyāḥ saṃvṛttā daśa diśo guṇānāmjagajjātam andhakāraṃ dharmasya niṣphalam adhunā janma śastropajīvinām

By System Admin

Translation

Draft in progress