Harshacharita · Ucchvasa 3 3.97
3.97तत्र च साक्षात्सहस्राक्ष इव सर्ववर्णधरं धनुर्दधानः मेरुमय इव कल्याणप्रकृतित्वे मन्दरमय इव लक्ष्मीसमाकर्षणे जलनिधिमय इव मर्यादायाम् आकाशमय इव शब्दप्रादुर्भावे शशिमय इव कलासंग्रहे वेदमय इवाकृत्रिमालापत्वे धरणिमय इव लोकधृतिकरणे पवनमय इव सर्वपार्थिवरजोविकारहरणे गुरुर्वचसि पृथुर् उरसि विशालो मनसि जनकस्तपसि सुयात्रस्तेजसि सुमन्त्रो रहसि बुधः सदसि अर्जुनो यशसि भीष्मो धनुषि निषधो वपुषि शत्रुघ्नः समरे शूरः शूरसेनाक्रमणे दक्षः प्रजाकर्मणि सर्वादिराजतेजःपुञ्जनिर्मित इव राजा पुष्पभूतिर् इति नाम्ना बभूव
Transliteration
tatra ca sākṣātsahasrākṣa iva sarvavarṇadharaṃ dhanurdadhānaḥ merumaya iva kalyāṇaprakṛtitve mandaramaya iva lakṣmīsamākarṣaṇe jalanidhimaya iva maryādāyām ākāśamaya iva śabdaprādurbhāve śaśimaya iva kalāsaṃgrahe vedamaya ivākṛtrimālāpatve dharaṇimaya iva lokadhṛtikaraṇe pavanamaya iva sarvapārthivarajovikāraharaṇe gururvacasi pṛthur urasi viśālo manasi janakastapasi suyātrastejasi sumantro rahasi budhaḥ sadasi arjuno yaśasi bhīṣmo dhanuṣi niṣadho vapuṣi śatrughnaḥ samare śūraḥ śūrasenākramaṇe dakṣaḥ prajākarmaṇi sarvādirājatejaḥpuñjanirmita iva rājā puṣpabhūtir iti nāmnā babhūva
By System Admin
Translation
Draft in progress