Harshacharita · Ucchvasa 3 3.230
3.230अथ करतलस्थितस्याट्टहासस्य मध्ये तडितम् इव नीलजलधरोदरे स्फुरन्तीं प्रभया पिबन्तीम् इव त्रियामाम्तामरसहस्ताम्कोमलाङ्गुलिरागराजिजालकानि च चरणलग्नानि वेलाबालविद्रुमलतावनानीवाकर्षन्तीम्करपङ्कजसंकोचाशङ्कया शशाङ्कमण्डलम् इव खण्डशः कृतं निर्मलचरणनखनिवहनिभेन बिभ्रतीम्गुल्फावलम्बिनूपुरपुटतया स्थितनिबिडकटकावलिबन्धनाद् इव परिभ्रश्यागताम्बहुविधकुसुमशकुनिशतशोभितात्पवनचलिततनुतरङ्गाद् अतिस्वच्छाद् अंशुकाद् उदधिसलिलाद् इवोत्तरन्तीम् उदधिजन्मप्रेम्णा त्रिवलिच्छलेन त्रिपथगयेव परिष्वक्तमध्याम् अत्युन्नतस्तनमण्डलाम्दृश्यमानदिङ्नागकुम्भाम् इव ककुभम्मदलग्नैर् आवतकरशीकरनिकरम् इव शरत्तारागणतारं हारम् उरसा दधानाम्धवलचामरैर् इव च मन्दमन्दनिःश्वासदोलायितैर्हारकिरणैर् उपवीज्यमानाम्स्वभावलोहितेन मदान्धगन्धेभकुम्भास्फालनसंक्रान्तसिन्दूरेणेव करद्वयेन द्योतमानाम्हरशिखण्डेन्दुद्वितीयखण्डेनेव कुण्डलीकृतेन ज्योत्स्नामुचा दन्तपत्रेण विभ्राजमानाम्कौस्तुभगभस्तिस्तबकेनेव च श्रवणलग्नेनाशोककिसलयेनालंकृताम्महता मत्तमातङ्गमदमयेन तिलकेनादृश्यच्छत्रच्छायामण्डलेनेवाविरहितललाटाम् आ पादतलाद् आ सीमन्ताच्च चन्द्रातपधवलेन चन्दनेनादिराजयशसेव धवलीकृताम्धरणितलचुम्बिनीभिः कण्ठकुसुममालाभिः सरिद्भिर् इव सागराधिष्ठात्रीभिर् अधिष्ठिताम्मृणालकोमलैर् अवयवैः कमलसंभवत्वम् अनक्षरम् आचक्षाणां स्त्रियम् अपश्यत्
Transliteration
atha karatalasthitasyāṭṭahāsasya madhye taḍitam iva nīlajaladharodare sphurantīṃ prabhayā pibantīm iva triyāmāmtāmarasahastāmkomalāṅgulirāgarājijālakāni ca caraṇalagnāni velābālavidrumalatāvanānīvākarṣantīmkarapaṅkajasaṃkocāśaṅkayā śaśāṅkamaṇḍalam iva khaṇḍaśaḥ kṛtaṃ nirmalacaraṇanakhanivahanibhena bibhratīmgulphāvalambinūpurapuṭatayā sthitanibiḍakaṭakāvalibandhanād iva paribhraśyāgatāmbahuvidhakusumaśakuniśataśobhitātpavanacalitatanutaraṅgād atisvacchād aṃśukād udadhisalilād ivottarantīm udadhijanmapremṇā trivalicchalena tripathagayeva pariṣvaktamadhyām atyunnatastanamaṇḍalāmdṛśyamānadiṅnāgakumbhām iva kakubhammadalagnair āvatakaraśīkaranikaram iva śarattārāgaṇatāraṃ hāram urasā dadhānāmdhavalacāmarair iva ca mandamandaniḥśvāsadolāyitairhārakiraṇair upavījyamānāmsvabhāvalohitena madāndhagandhebhakumbhāsphālanasaṃkrāntasindūreṇeva karadvayena dyotamānāmharaśikhaṇḍendudvitīyakhaṇḍeneva kuṇḍalīkṛtena jyotsnāmucā dantapatreṇa vibhrājamānāmkaustubhagabhastistabakeneva ca śravaṇalagnenāśokakisalayenālaṃkṛtāmmahatā mattamātaṅgamadamayena tilakenādṛśyacchatracchāyāmaṇḍalenevāvirahitalalāṭām ā pādatalād ā sīmantācca candrātapadhavalena candanenādirājayaśaseva dhavalīkṛtāmdharaṇitalacumbinībhiḥ kaṇṭhakusumamālābhiḥ saridbhir iva sāgarādhiṣṭhātrībhir adhiṣṭhitāmmṛṇālakomalair avayavaiḥ kamalasaṃbhavatvam anakṣaram ācakṣāṇāṃ striyam apaśyat
By System Admin
Translation
Draft in progress