Harshacharita · Ucchvasa 3 3.209
3.209सहसैव च तस्माद्विवराद् आशावारणोत्क्षिप्त इवालानलोहस्तम्भः महावराहपीवरस्कन्धपीठो नरकासुर इव भुवो गर्भाद् उद्भूतो बलिदानव इव भित्त्वोत्थितः पातालम् इन्द्रनीलप्रासाद इवोपरिज्वलितरत्नप्रदीपः स्निग्धनीलघननिबिडकुटिलकुन्तलकान्तमौलिर् उन्मीलन्मालतीमुण्डमालः गद्गदतया स्वरस्य स्वभावपाटलतया च चक्षुषः क्षीब इव यौवनमदेन वल्गद्गलदामकः करसंपुटमृदितया मृदा दिङ्नागकुम्भाभाव् अंसकूटौ पुनः पुनः पङ्कयन्सान्द्रचन्दनकर्दमदत्तैर् अव्यवस्थास्थासकैर् अतिसितजलधरशकलशारित इव शारदाकाशैकदेशः केतकीगर्भपत्रपाण्डुरस्य चण्डातकस्योपरि क्षामतरीकृतकुक्षिः कक्ष्याबन्धं विधाय विलासविक्षिप्तेन धवलव्यायामफालीपटान्तेन धरणितलगतेन धार्यमाण इव पृष्ठतः शेषेण स्थिरस्थूलोच्चदण्डः भूमिभङ्गभयेनेव मन्थराणि स्थापयन्पदानि निर्भरगर्वगुरु कथम् अपि शैलम् इव गात्रम् उद्वहन्दर्पेण मुहुर्मुहुर् उरसि द्विगुणिते दोष्णि वामे तिर्यगुत्क्षिप्ते च दक्षिणे जङ्घाकाण्डे कुण्डलिते च चण्डस्फोटनटांकारैः कर्मविघ्ननिर्घातान् इव पातयन्न् एकेन्द्रियविकलम् इव जीवलोकं कुर्वन्कुवलयश्यामलः पुरुष उज्जगाम
Transliteration
sahasaiva ca tasmādvivarād āśāvāraṇotkṣipta ivālānalohastambhaḥ mahāvarāhapīvaraskandhapīṭho narakāsura iva bhuvo garbhād udbhūto balidānava iva bhittvotthitaḥ pātālam indranīlaprāsāda ivoparijvalitaratnapradīpaḥ snigdhanīlaghananibiḍakuṭilakuntalakāntamaulir unmīlanmālatīmuṇḍamālaḥ gadgadatayā svarasya svabhāvapāṭalatayā ca cakṣuṣaḥ kṣība iva yauvanamadena valgadgaladāmakaḥ karasaṃpuṭamṛditayā mṛdā diṅnāgakumbhābhāv aṃsakūṭau punaḥ punaḥ paṅkayansāndracandanakardamadattair avyavasthāsthāsakair atisitajaladharaśakalaśārita iva śāradākāśaikadeśaḥ ketakīgarbhapatrapāṇḍurasya caṇḍātakasyopari kṣāmatarīkṛtakukṣiḥ kakṣyābandhaṃ vidhāya vilāsavikṣiptena dhavalavyāyāmaphālīpaṭāntena dharaṇitalagatena dhāryamāṇa iva pṛṣṭhataḥ śeṣeṇa sthirasthūloccadaṇḍaḥ bhūmibhaṅgabhayeneva mantharāṇi sthāpayanpadāni nirbharagarvaguru katham api śailam iva gātram udvahandarpeṇa muhurmuhur urasi dviguṇite doṣṇi vāme tiryagutkṣipte ca dakṣiṇe jaṅghākāṇḍe kuṇḍalite ca caṇḍasphoṭanaṭāṃkāraiḥ karmavighnanirghātān iva pātayann ekendriyavikalam iva jīvalokaṃ kurvankuvalayaśyāmalaḥ puruṣa ujjagāma
By System Admin
Translation
Draft in progress