Sanskrit

Harshacharita · Ucchvasa 3 3.203

3.203

तस्यां च कुमुदधूलिधवलेन भस्मना लिखितस्य महतो मण्डलस्य मध्ये स्थितं दीप्ततरतेजःप्रसरम्पृथुपरिवेषपरिक्षिप्तम् इव शरत्सवितारम्मथ्यमानक्षीरोदावर्तवर्तिनम् इव मन्दरम्रक्तचन्दनानुलेपिनो रक्तस्रगम्बराभरणस्योत्तानशयस्य शवस्योरस्य् उपविश्य जातजातवेदसि मुखकुहरे प्रारब्धाग्निकार्यम्कृष्णोष्णीषम्कृष्णाङ्गरागम्कृष्णप्रतिसरम्कृष्णवाससम्कृष्णतिलाहुतिनिभेन विद्याधरत्वतृष्णया मानुषनिर्माणकारणकालुष्यपरमाणून् इव क्षयम् उपनयन्तम् आहुतिदानपर्यस्ताभिः प्रेतमुखस्पर्शदूषितं प्रक्षालयन्तम् इवाशुशुक्षणिं करनखदीधितिभिः धूमालोहितेन चक्षुषा क्षतजाहुतिम् इव हुतभुजि पातयन्तम् ईषद्विवृताधरपुटप्रकटितसितदशनशिखरेण दृश्यमानमूर्तमन्त्राक्षरपङ्क्तिनेव मुखेन किम् अपि जपन्तम्होमश्रमस्वेदसलिलप्रतिबिम्बिताभिर् आसन्नदीपिकाभिर्दहन्तम् इव कर्मसिद्धये सर्वावयवान् अंसावलम्बिना बहुगुणेन विद्याराजेनेव ब्रह्मसूत्रेण परिगृहीतं भैरवाचार्यम् अपश्यत्

Transliteration

tasyāṃ ca kumudadhūlidhavalena bhasmanā likhitasya mahato maṇḍalasya madhye sthitaṃ dīptataratejaḥprasarampṛthupariveṣaparikṣiptam iva śaratsavitārammathyamānakṣīrodāvartavartinam iva mandaramraktacandanānulepino raktasragambarābharaṇasyottānaśayasya śavasyorasy upaviśya jātajātavedasi mukhakuhare prārabdhāgnikāryamkṛṣṇoṣṇīṣamkṛṣṇāṅgarāgamkṛṣṇapratisaramkṛṣṇavāsasamkṛṣṇatilāhutinibhena vidyādharatvatṛṣṇayā mānuṣanirmāṇakāraṇakāluṣyaparamāṇūn iva kṣayam upanayantam āhutidānaparyastābhiḥ pretamukhasparśadūṣitaṃ prakṣālayantam ivāśuśukṣaṇiṃ karanakhadīdhitibhiḥ dhūmālohitena cakṣuṣā kṣatajāhutim iva hutabhuji pātayantam īṣadvivṛtādharapuṭaprakaṭitasitadaśanaśikhareṇa dṛśyamānamūrtamantrākṣarapaṅktineva mukhena kim api japantamhomaśramasvedasalilapratibimbitābhir āsannadīpikābhirdahantam iva karmasiddhaye sarvāvayavān aṃsāvalambinā bahuguṇena vidyārājeneva brahmasūtreṇa parigṛhītaṃ bhairavācāryam apaśyat

By System Admin

Translation

Draft in progress