Harshacharita · Ucchvasa 3 3.174
3.174सो ऽयं भवद्भुजयोग्यो गृह्यताम् इत्य् अभिधायापहृतकर्पटावच्छादनात्परिवाराद् आचकर्ष शरद्गगनतलम् इव पिण्डतां नीतम्कालिन्दीप्रवाहम् इव स्तम्भितजलम्नन्दकजिगीषया कृष्णकोपितं कालियम् इव कृपाणतां गतम्लोकविनाशाय प्रकाशितधारासारं प्रलयकालमेघखण्डम् इव नभस्तलात्पतितम्दृश्यमानविकटदन्तमण्डलं हासम् इव हिंसायाः हरिबाहुदण्डम् इव कृतदृढमुष्टिग्रहम्सकलभुवनजीवितापहरणक्षमेण कालकूटेनेव निर्मितम्कृतान्तकोपानलतप्तेनेवायसा घटितम् अतितीक्ष्णतया पवनस्पर्शेनापि रुषेव क्वणन्तम्मणिसभाकुट्टिमपतत्प्रतिबिम्बच्छद्मनात्मानम् अपि द्विधेव पाटयन्तम् अरिशिरश्छेदलग्नैः कचैर् इव किरणैः करालितधारम्मुहुर्मुहुस्तडिदुन्मेषतरलैः प्रभाचक्रच्छुरितैर्जर्जरितातपम्खण्डशश्छिन्दन्तम् इव दिवसम्कटाक्षम् इव कालरात्रेः कर्णोत्पलम् इव कालस्य ॐकारम् इव क्रौर्यस्य अलंकारम् अहंकारस्य कुलमित्रं कोपस्य देहं दर्पस्य सुसहायं साहसस्य अपत्यं मृत्योः आगमनमार्गं लक्ष्म्याः निर्गमनमार्गं कीर्तेः कृपाणम्
Transliteration
so 'yaṃ bhavadbhujayogyo gṛhyatām ity abhidhāyāpahṛtakarpaṭāvacchādanātparivārād ācakarṣa śaradgaganatalam iva piṇḍatāṃ nītamkālindīpravāham iva stambhitajalamnandakajigīṣayā kṛṣṇakopitaṃ kāliyam iva kṛpāṇatāṃ gatamlokavināśāya prakāśitadhārāsāraṃ pralayakālameghakhaṇḍam iva nabhastalātpatitamdṛśyamānavikaṭadantamaṇḍalaṃ hāsam iva hiṃsāyāḥ haribāhudaṇḍam iva kṛtadṛḍhamuṣṭigrahamsakalabhuvanajīvitāpaharaṇakṣameṇa kālakūṭeneva nirmitamkṛtāntakopānalataptenevāyasā ghaṭitam atitīkṣṇatayā pavanasparśenāpi ruṣeva kvaṇantammaṇisabhākuṭṭimapatatpratibimbacchadmanātmānam api dvidheva pāṭayantam ariśiraśchedalagnaiḥ kacair iva kiraṇaiḥ karālitadhārammuhurmuhustaḍidunmeṣataralaiḥ prabhācakracchuritairjarjaritātapamkhaṇḍaśaśchindantam iva divasamkaṭākṣam iva kālarātreḥ karṇotpalam iva kālasya oṃkāram iva krauryasya alaṃkāram ahaṃkārasya kulamitraṃ kopasya dehaṃ darpasya susahāyaṃ sāhasasya apatyaṃ mṛtyoḥ āgamanamārgaṃ lakṣmyāḥ nirgamanamārgaṃ kīrteḥ kṛpāṇam
By System Admin
Translation
Draft in progress