23 shlokas
- 1
अथातः श्रवणाकर्म
athātaḥ śravaṇākarma
- 2
पौर्णमास्यां कृत्यम्
paurṇamāsyāṃ kṛtyam
- 3
पुरस्ताच्छालाया उपलिप्य शालाग्नेर् अग्निं प्रणयन्ति
purastācchālāyā upalipya śālāgner agniṃ praṇayanti
- 4
अभितश्चत्वार्युपलिम्पति
abhitaścatvāryupalimpati
- 5
प्रतिदिशम्
pratidiśam
- 6
साधिके प्रक्रमे
sādhike prakrame
- 7
अग्नौ कपालम् आधाय सकृत्संगृहीतम्यवमुष्टिं भृज्जत्य् अनुपदहन्
agnau kapālam ādhāya sakṛtsaṃgṛhītamyavamuṣṭiṃ bhṛjjaty anupadahan
- 8
पश्चाद् अग्नेर् उलूखलं दृंहयित्वावहन्त्य् उद्वेचम्
paścād agner ulūkhalaṃ dṛṃhayitvāvahanty udvecam
- 9
सुकृतान्सक्तून्कृत्वा चमस ओप्य शूर्पेनापिधाय निदधाति
sukṛtānsaktūnkṛtvā camasa opya śūrpenāpidhāya nidadhāti
- 10
दक्षिणपश्चिमे अन्तरेण संचरः
dakṣiṇapaścime antareṇa saṃcaraḥ
- 11
अस्तमिते चमसदर्व्याव् आदाय शूर्पं चातिप्रणीतस्यार्धं व्रजति
astamite camasadarvyāv ādāya śūrpaṃ cātipraṇītasyārdhaṃ vrajati
- 12
शूर्पे सक्तून् आवपति चमसे चोदकम् आदत्ते
śūrpe saktūn āvapati camase codakam ādatte
- 13
सकृत्संगृहीतान्दर्व्या सक्तून्कृत्वा पूर्व उपलिप्त उदकं निनीय बलिं निवपति यः प्राच्यां दिशि सर्पराज एष ते बलिर् इति
sakṛtsaṃgṛhītāndarvyā saktūnkṛtvā pūrva upalipta udakaṃ ninīya baliṃ nivapati yaḥ prācyāṃ diśi sarparāja eṣa te balir iti
- 14
उपनिनयत्य् अपां शेषं यथा बलिं न प्रवक्ष्यतीति
upaninayaty apāṃ śeṣaṃ yathā baliṃ na pravakṣyatīti
- 15
सव्यं बाहुम् अन्वावृत्य चमसदर्व्याव् अभ्युक्ष्य प्रताप्यैवं दक्षिणैवं प्रतीच्य् एवम् उदीची यथालिङ्गम् अव्यावर्तमानः
savyaṃ bāhum anvāvṛtya camasadarvyāv abhyukṣya pratāpyaivaṃ dakṣiṇaivaṃ pratīcy evam udīcī yathāliṅgam avyāvartamānaḥ
- 16
शूर्पेण शेषम् अग्नाव् ओप्यानतिप्रणीतस्यार्धं व्रजति
śūrpeṇa śeṣam agnāv opyānatipraṇītasyārdhaṃ vrajati
- 17
पश्चाद् अग्नेर्भूमौ न्यञ्चौ पाणी प्रतिष्ठाप्य नमः पृथिव्या इत्य् एतं मन्त्रं जपति
paścād agnerbhūmau nyañcau pāṇī pratiṣṭhāpya namaḥ pṛthivyā ity etaṃ mantraṃ japati
- 18
प्रदोषे पायसश्चरुः
pradoṣe pāyasaścaruḥ
- 19
तस्य जुहुयाच्छ्रवणाय विष्णवे ऽग्नये प्रजापतये विश्वेभ्यो देवेभ्यः स्वाहेति
tasya juhuyācchravaṇāya viṣṇave 'gnaye prajāpataye viśvebhyo devebhyaḥ svāheti
- 20
स्थालीपाकावृतान्यत्
sthālīpākāvṛtānyat
- 21
उत्तरतो ऽग्नेर्दर्भस्तम्बं समूलं प्रतिष्ठाप्य सोमो राजेत्य् एतं मन्त्रं जपति यां संधां सम् अधत्तेति च
uttarato 'gnerdarbhastambaṃ samūlaṃ pratiṣṭhāpya somo rājety etaṃ mantraṃ japati yāṃ saṃdhāṃ sam adhatteti ca
- 22
श्वस्ततो ऽक्षतसक्तून्कारयित्वा नवे पात्रे ऽपिधाय निदधाति
śvastato 'kṣatasaktūnkārayitvā nave pātre 'pidhāya nidadhāti
- 23
अहरहस्तूष्णीं बलीन्हरेत्सायं प्राग्घोमाद् आग्रहायण्याः
aharahastūṣṇīṃ balīnharetsāyaṃ prāgghomād āgrahāyaṇyāḥ

