50 shlokas
- 1
प्राग् उपनयनात्कामचारः कामवादः कामभक्षः
अहुतात्
ब्रह्मचारी
यथोपपादितमूत्रपुरीषो भवति
prāg upanayanātkāmacāraḥ kāmavādaḥ kāmabhakṣaḥ
ahutāt
brahmacārī
yathopapāditamūtrapurīṣo bhavati
- 2
नास्याचमनकल्पो विद्यते
अन्यत्रापमार्जनप्रधावनावोक्षणेभ्यः
nāsyācamanakalpo vidyate
anyatrāpamārjanapradhāvanāvokṣaṇebhyaḥ
- 3
न तदुपस्पर्शनाद् आशौचम्
na tadupasparśanād āśaucam
- 4
न त्वेवैनम् अग्निहवनबलिहरणयोर्नियुञ्ज्यात्
na tvevainam agnihavanabaliharaṇayorniyuñjyāt
- 5
न ब्रह्माभिव्याहारयेद् अन्यत्र स्वधानिनयनात्
na brahmābhivyāhārayed anyatra svadhāninayanāt
- 6
उपनयनादिर्नियमः
upanayanādirniyamaḥ
- 7
उक्तं ब्रह्मचर्यम्
uktaṃ brahmacaryam
- 8
अग्नीन्धनभैक्षचरणे
सत्यवचनम्
अपाम् उपस्पर्शनम्
agnīndhanabhaikṣacaraṇe
satyavacanam
apām upasparśanam
- 9
एके गोदानादि
eke godānādi
- 10
बहिःसंध्यत्वं च
bahiḥsaṃdhyatvaṃ ca
- 11
तिष्ठेत्पूर्वाम् आसीतोत्तरां स ज्योतिष्य् आ ज्योतिषो दर्शनाद्वाग्यतः
tiṣṭhetpūrvām āsītottarāṃ sa jyotiṣy ā jyotiṣo darśanādvāgyataḥ
- 12
नादित्यम् ईक्षेत
nādityam īkṣeta
- 13
वर्जयेन्मधुमांसगन्धमाल्यदिवास्वप्नाभ्यञ्जनयानोपानच्छत्रकामक्रोधलोभमोहवादवादनस्नानदन्तधावनहर्षनृत्यगीतपरिवादभयानि
varjayenmadhumāṃsagandhamālyadivāsvapnābhyañjanayānopānacchatrakāmakrodhalobhamohavādavādanasnānadantadhāvanaharṣanṛtyagītaparivādabhayāni
- 14
गुरुदर्शने कण्ठप्रावृतावसक्थिकापाश्रयणपादप्रसारणानि
gurudarśane kaṇṭhaprāvṛtāvasakthikāpāśrayaṇapādaprasāraṇāni
- 15
निष्ठीवितहसितविजृम्भितावस्फोटनानि
niṣṭhīvitahasitavijṛmbhitāvasphoṭanāni
- 16
स्त्रीप्रेक्षणालम्भने मैथुनशङ्कायाम्
strīprekṣaṇālambhane maithunaśaṅkāyām
- 17
द्यूतं हीनसेवाम् अदत्तादानं हिंसाम्
dyūtaṃ hīnasevām adattādānaṃ hiṃsām
- 18
आचार्यतत्पुत्रस्त्रीदीक्षितनामानि
ācāryatatputrastrīdīkṣitanāmāni
- 19
शुक्ता वाचः
śuktā vācaḥ
- 20
मद्यं नित्यं ब्राह्मणः
madyaṃ nityaṃ brāhmaṇaḥ
- 21
अधःशय्यासनी पूर्वोत्थायी जघन्यसंवेशी
adhaḥśayyāsanī pūrvotthāyī jaghanyasaṃveśī
- 22
वाग्बाहूदरसंयतः
vāgbāhūdarasaṃyataḥ
- 23
नामगोत्रे गुरोः समानतो निर्दिशेत्
nāmagotre guroḥ samānato nirdiśet
- 24
अर्चिते श्रेयसि चैवम्
arcite śreyasi caivam
- 25
शय्यासनस्थानानि विहाय प्रतिश्रवणम्
śayyāsanasthānāni vihāya pratiśravaṇam
- 26
अभिक्रमणं वचनाद् अदृष्टेन
abhikramaṇaṃ vacanād adṛṣṭena
- 27
अधःस्थानासनस्तिर्यग्वातसेवायां गुरुदर्शने चोत्तिष्ठेत्
adhaḥsthānāsanastiryagvātasevāyāṃ gurudarśane cottiṣṭhet
- 28
गच्छन्तम् अनुव्रजेत्
कर्म विज्ञाप्याख्याय
gacchantam anuvrajet
karma vijñāpyākhyāya
- 29
आहुतो ऽध्यायी
āhuto 'dhyāyī
- 30
युक्तः प्रियहितयोः
yuktaḥ priyahitayoḥ

