12 shlokas
- 1
रहस्यं प्रायश्चित्तम् अविख्यातदोषस्य
rahasyaṃ prāyaścittam avikhyātadoṣasya
- 2
चतुरृचं तरत्समन्दीत्य् अप्सु जपेद् अप्रतिग्राह्यं प्रतिजिघृक्षन्प्रतिगृह्य वा
caturṛcaṃ taratsamandīty apsu japed apratigrāhyaṃ pratijighṛkṣanpratigṛhya vā
- 3
अभोज्यं बुभुक्षमाणः पृथिवीम् आवपेत्
abhojyaṃ bubhukṣamāṇaḥ pṛthivīm āvapet
- 4
ऋत्वन्तरारमण उदकोपस्पर्शनाच्छुद्धिम् एके
ṛtvantarāramaṇa udakopasparśanācchuddhim eke
- 5
स्त्रीषु
strīṣu
- 6
पयोव्रतो वा दशरात्रं घृतेन द्वितीयम् अद्भिस्तृतीयं दिवादिष्वेकभक्तिको जलक्लिन्नवासा लोमानि नखानि त्वचं मांसं शोणितं स्नाय्वस्थि मज्जानम् इति होमा आत्मनो मुखे मृत्योर् आस्ये जुहोमीत्यन्ततः सर्वेषां प्रायश्चित्तं भ्रूणहत्यायाः
payovrato vā daśarātraṃ ghṛtena dvitīyam adbhistṛtīyaṃ divādiṣvekabhaktiko jalaklinnavāsā lomāni nakhāni tvacaṃ māṃsaṃ śoṇitaṃ snāyvasthi majjānam iti homā ātmano mukhe mṛtyor āsye juhomītyantataḥ sarveṣāṃ prāyaścittaṃ bhrūṇahatyāyāḥ
- 7
अथान्यत्
athānyat
- 8
उक्तो नियमः
ukto niyamaḥ
- 9
अग्ने त्वं पारयेति महाव्याहृतिभिर्जुहुयात्कूष्माण्डैश्चाज्यम्
agne tvaṃ pārayeti mahāvyāhṛtibhirjuhuyātkūṣmāṇḍaiścājyam
- 10
तद्व्रत एव वा ब्रह्महत्यासुरापानस्तेयगुरुतल्पेषु प्राणायामैस्तान्तो ऽघमर्षणं जपन्समम् अश्वमेधावभृथेनेदं च प्रायश्चित्तम्
tadvrata eva vā brahmahatyāsurāpānasteyagurutalpeṣu prāṇāyāmaistānto 'ghamarṣaṇaṃ japansamam aśvamedhāvabhṛthenedaṃ ca prāyaścittam
- 11
सावित्रीं वा सहस्रकृत्व आवर्तयन्पुनीतेहैवात्मानम्
sāvitrīṃ vā sahasrakṛtva āvartayanpunītehaivātmānam
- 12
अन्तर्जले वाघमर्षणं त्रिर् आवर्तयन्सर्वपापेभ्यो विमुच्यते
antarjale vāghamarṣaṇaṃ trir āvartayansarvapāpebhyo vimucyate

