28 shlokas
- 1
ज्योतिषाम् अयनविकल्पाः
jyotiṣām ayanavikalpāḥ
- 2
तत्र यदादितो ऽन्ततस्तद् ऊर्ध्वं विषुवतः
tatra yadādito 'ntatastad ūrdhvaṃ viṣuvataḥ
- 3
मासि मास्याद्यस्याभिप्लवस्य स्थाने त्रिकद्रुकाः स षट्त्रिंशदूनो नाक्षत्रः
māsi māsyādyasyābhiplavasya sthāne trikadrukāḥ sa ṣaṭtriṃśadūno nākṣatraḥ
- 4
सप्तविंशिनो हि मासाः
saptaviṃśino hi māsāḥ
- 5
षष्ठाद्यस्याभिप्लवस्य स्थाने ज्योतिर्गौश्च ज्योतिर् एवावृत्ते स नवोनो नाक्षत्र एव त्रयोदशी
ṣaṣṭhādyasyābhiplavasya sthāne jyotirgauśca jyotir evāvṛtte sa navono nākṣatra eva trayodaśī
- 6
युग्ममासेष्वाद्यस्याभिप्लवस्य स्थाने तत्पञ्चाहः स षडूनश्चान्द्रमसः
yugmamāseṣvādyasyābhiplavasya sthāne tatpañcāhaḥ sa ṣaḍūnaścāndramasaḥ
- 7
षष्ठादौ त्रिकद्रुकानभिप्लवं चोपदध्यात्सो ऽष्टादशाधिकः पौर्णमासीप्रसवस्तैर्यगयनिक आदित्यस्य
ṣaṣṭhādau trikadrukānabhiplavaṃ copadadhyātso 'ṣṭādaśādhikaḥ paurṇamāsīprasavastairyagayanika ādityasya
- 8
उत्सर्जनानि मासि मासि
utsarjanāni māsi māsi
- 9
यथान्त एवम् आवृत्तानाम् आदिः
yathānta evam āvṛttānām ādiḥ
- 10
पूर्वेष्वभिप्लवेषु षष्ठम् अहर् उक्थ्यं कृत्वाग्निष्टोमम् उत्तमे
pūrveṣvabhiplaveṣu ṣaṣṭham ahar ukthyaṃ kṛtvāgniṣṭomam uttame
- 11
तद्वैकत्रिकस्तोमम्
tadvaikatrikastomam
- 12
असृक्षतेति बहिष्पवमानम्
asṛkṣateti bahiṣpavamānam
- 13
गायत्रं गायत्र्यामाश्वम् ऐडं बृहत्यां गोष्ठो वा
gāyatraṃ gāyatryāmāśvam aiḍaṃ bṛhatyāṃ goṣṭho vā
- 14
अया रुचेति गायत्रपार्श्वम् आर्भवः
ayā ruceti gāyatrapārśvam ārbhavaḥ
- 15
सवनविधं पशुं कुर्वन् उत्तमम् अभिप्लवपञ्चाहं कृत्वा षष्ठस्थाने सवनविधः पशुः
savanavidhaṃ paśuṃ kurvan uttamam abhiplavapañcāhaṃ kṛtvā ṣaṣṭhasthāne savanavidhaḥ paśuḥ
- 16
प्रथमं वाभिप्लवपञ्चाहं कृत्वा मासान्ते सवनविधः पशुः
prathamaṃ vābhiplavapañcāhaṃ kṛtvā māsānte savanavidhaḥ paśuḥ
- 17
सर्वान् ऊनान् एके
sarvān ūnān eke
- 18
प्रथमं वाभिप्लवपञ्चाहं कुर्युः
prathamaṃ vābhiplavapañcāhaṃ kuryuḥ
- 19
अहनी वा समस्येयुर् अभिप्लवपृष्ठ्ययोः सांनिपातिके
ahanī vā samasyeyur abhiplavapṛṣṭhyayoḥ sāṃnipātike
- 20
अभिप्लवयोर् उत्तमे
abhiplavayor uttame
- 21
तथा सत्येकादश्यां पूर्वपक्षस्य दीक्षित्वा त्रयोदश दीक्षाः कुर्वीरन्
tathā satyekādaśyāṃ pūrvapakṣasya dīkṣitvā trayodaśa dīkṣāḥ kurvīran
- 22
सप्तदश वा
saptadaśa vā
- 23
व्यत्यासं वा पूर्णोनान्
vyatyāsaṃ vā pūrṇonān
- 24
ऊनपूर्णान् आवृत्ताञ्छालंकायनिनः
ūnapūrṇān āvṛttāñchālaṃkāyaninaḥ
- 25
एकाष्टकादीक्षिण उपसर्गिणः
ekāṣṭakādīkṣiṇa upasargiṇaḥ
- 26
ते तूष्णीम् एव त्रिंशम् अहर् आसीरन्
te tūṣṇīm eva triṃśam ahar āsīran
- 27
सवनविधेन वा पशुना यजेरन्
savanavidhena vā paśunā yajeran
- 28
अध्वर्युबह्वृचैः समयं कृत्वा दीक्षेरन्न् एवम् अविलोपो भवतीति भवतीति
adhvaryubahvṛcaiḥ samayaṃ kṛtvā dīkṣerann evam avilopo bhavatīti bhavatīti

