31 shlokas
- 1
अथैतद्राजवाहनं सुब्रह्मण्याय दद्याद्दक्षिणावत्सु कर्मसंयोगात्
athaitadrājavāhanaṃ subrahmaṇyāya dadyāddakṣiṇāvatsu karmasaṃyogāt
- 2
आतिथ्यायां संस्थितायां दक्षिणस्य द्वारबाहोः परस्तात्तिष्ठन्न् अन्तर्वेदिदेशे ऽन्वारब्धे यजमाने पत्न्यां च सुब्रह्मण्योम् इति त्रिर् उक्त्वा निगदं ब्रूयात्
ātithyāyāṃ saṃsthitāyāṃ dakṣiṇasya dvārabāhoḥ parastāttiṣṭhann antarvedideśe 'nvārabdhe yajamāne patnyāṃ ca subrahmaṇyom iti trir uktvā nigadaṃ brūyāt
- 3
इन्द्रागच्छ हरिव आगच्छ मेधातिथेर्मेषवृषणश्वस्य मेने गौरावस्कन्दिन्न् अहल्यायै जार कौशिकब्राह्मण गौतमब्रुवाणेति
indrāgaccha hariva āgaccha medhātithermeṣavṛṣaṇaśvasya mene gaurāvaskandinn ahalyāyai jāra kauśikabrāhmaṇa gautamabruvāṇeti
- 4
एतावदहे सुत्यामिति यावदहे स्यात्
etāvadahe sutyāmiti yāvadahe syāt
- 5
अद्येति समानाहनि
adyeti samānāhani
- 6
पूर्वयोः प्रणवान्तयोर्विरमेत्
pūrvayoḥ praṇavāntayorviramet
- 7
मेने ब्रुवाणेति च
mene bruvāṇeti ca
- 8
आग्नेय्यां षणे जारेति च
āgneyyāṃ ṣaṇe jāreti ca
- 9
पृथग्यजतिशब्देषु च
pṛthagyajatiśabdeṣu ca
- 10
देवा ब्रह्माण आगच्छतागच्छतागच्छतेति गौतमः
devā brahmāṇa āgacchatāgacchatāgacchateti gautamaḥ
- 11
आगच्छेति पूर्वं देवाह्वानाद्धानंजय्यः
āgaccheti pūrvaṃ devāhvānāddhānaṃjayyaḥ
- 12
आगच्छ मघवन्नित्येके
āgaccha maghavannityeke
- 13
एवं त्रिराहूय पत्नीयजमानावुपहवमिच्छमानावुपहूय यथार्थं स्यात्
evaṃ trirāhūya patnīyajamānāvupahavamicchamānāvupahūya yathārthaṃ syāt
- 14
उपहूत इत्युपहवः
upahūta ityupahavaḥ
- 15
एवं सर्वेषूपसदन्तेषु
evaṃ sarveṣūpasadanteṣu
- 16
याश्चोर्ध्वम् उपसद्भ्यः
yāścordhvam upasadbhyaḥ
- 17
उत्करे तु तत्र तिष्ठन्
utkare tu tatra tiṣṭhan
- 18
प्राक्च सुत्यादेशान्नामग्राहो ऽग्नीषोमीयवपायां हुतायां परिहृतासु वसतीवरीषु प्रातरनुवाकोपक्रमणवेलायामसौ यजत इति
prākca sutyādeśānnāmagrāho 'gnīṣomīyavapāyāṃ hutāyāṃ parihṛtāsu vasatīvarīṣu prātaranuvākopakramaṇavelāyāmasau yajata iti
- 19
प्रत्येकं गृह्णीयाद्यजमाननामधेयानि यानि स्युः
pratyekaṃ gṛhṇīyādyajamānanāmadheyāni yāni syuḥ
- 20
अमुष्य पुत्रः पौत्रो नप्तेति पूर्वेषां
amuṣya putraḥ pautro napteti pūrveṣāṃ
- 21
अथावरेषां यथाज्येष्ठं स्त्रीपुंसानां ये जीवेयुः
athāvareṣāṃ yathājyeṣṭhaṃ strīpuṃsānāṃ ye jīveyuḥ
- 22
जनिष्यमाणानामित्यन्त उक्त्वा सुत्यादेशप्रभृति समापयेत्
janiṣyamāṇānāmityanta uktvā sutyādeśaprabhṛti samāpayet
- 23
अर्थनिर्वचनम् उच्चान्तम्
arthanirvacanam uccāntam
- 24
वैभक्ते च स्यादौ वैभक्तश्चैव
vaibhakte ca syādau vaibhaktaścaiva
- 25
उच्चाच्च नीचे नीचम्
uccācca nīce nīcam
- 26
जनिष्यमाणानामिति मध्ये द्वे
janiṣyamāṇānāmiti madhye dve
- 27
यजेश्चादिः
yajeścādiḥ
- 28
दक्षिणासु चोदितो ऽनुव्रजन्दक्षिणाः सनामग्राहाम् आह्वयेत्
dakṣiṇāsu codito 'nuvrajandakṣiṇāḥ sanāmagrāhām āhvayet
- 29
प्रणवनामानि वा
praṇavanāmāni vā
- 30
हविर्धानप्रवर्तनाग्नीषोमप्रणयनयोश्च सुब्रह्मण्येत्येके
havirdhānapravartanāgnīṣomapraṇayanayośca subrahmaṇyetyeke

