10 shlokas
- 1
भोज्यं भोजनशक्तिश्च रतिशक्तिर वरांगना । विभवो दानशक्तिश्च नाऽल्पस्य तपसः फलम् ॥
bhojyaṃ bhojanaśaktiśca ratiśaktira varāṃganā | vibhavo dānaśaktiśca nā'lpasya tapasaḥ phalam ||
- 2
यस्य पुत्रो वशीभूतो भार्या छन्दानुगामिनी। विभवे यस्य सन्तुष्टिस्तस्य स्वर्ग इहैव हि ॥
yasya putro vaśībhūto bhāryā chandānugāminī| vibhave yasya santuṣṭistasya svarga ihaiva hi ||
- 3
ते पुत्रा ये पितुर्भक्ताः सः पिता यस्तु पोषकः। तन्मित्रं यत्र विश्वासः सा भार्या या निवृतिः ॥
te putrā ye piturbhaktāḥ saḥ pitā yastu poṣakaḥ| tanmitraṃ yatra viśvāsaḥ sā bhāryā yā nivṛtiḥ ||
- 4
कष्टं च खलु मूर्खत्वं कष्ट च खलु यौवनम्। कष्टात्कष्टतरं चैव परगृहेनिवासनम् ॥
kaṣṭaṃ ca khalu mūrkhatvaṃ kaṣṭa ca khalu yauvanam| kaṣṭātkaṣṭataraṃ caiva paragṛhenivāsanam ||
- 5
माता शत्रुः पिता वैरी येनवालो न पाठितः। न शोभते सभामध्ये हंसमध्ये वको यथा ॥
mātā śatruḥ pitā vairī yenavālo na pāṭhitaḥ| na śobhate sabhāmadhye haṃsamadhye vako yathā ||
- 6
परोक्षे कार्यहन्तारं प्रत्यक्षे प्रियवादिनम्। वर्जयेत्तादृशं मित्रं विषकुम्भं पयोमुखम् ॥
parokṣe kāryahantāraṃ pratyakṣe priyavādinam| varjayettādṛśaṃ mitraṃ viṣakumbhaṃ payomukham ||
- 7
न विश्वसेत्कुमित्रे च मित्रे चापि न विश्वसेत्। कदाचित्कुपितं मित्रं सर्वं गुह्यं प्रकाशयेत् ॥
na viśvasetkumitre ca mitre cāpi na viśvaset| kadācitkupitaṃ mitraṃ sarvaṃ guhyaṃ prakāśayet ||
- 8
मनसा चिन्तितं कार्यं वाचा नैव प्रकाशयेत्। मन्त्रेण रक्षयेद् गूढं कार्य चापि नियोजयेत् ॥
manasā cintitaṃ kāryaṃ vācā naiva prakāśayet| mantreṇa rakṣayed gūḍhaṃ kārya cāpi niyojayet ||
- 9
शैले शैले न माणिक्यं मौक्तिकं न गजे गजे। साधवो न हि सर्वत्र चन्दनं न वने वने ॥
śaile śaile na māṇikyaṃ mauktikaṃ na gaje gaje| sādhavo na hi sarvatra candanaṃ na vane vane ||
- 10
लालनाद् बहवो दोषास्ताडनाद् बहवो गुणाः। तस्मात्पुत्रं च शिष्यं च ताडयेन्न तु लालयेत् ॥
lālanād bahavo doṣāstāḍanād bahavo guṇāḥ| tasmātputraṃ ca śiṣyaṃ ca tāḍayenna tu lālayet ||

