16 shlokas
- 1
अथ यद्य् एनम् अनाहिताग्निम् इव वृथाग्निना दहेयुर् एवम् अस्यैष मृत्पात्रविनियोग इति पत्न्य भवतीत्य् आहाश्मरथ्यः
atha yady enam anāhitāgnim iva vṛthāgninā daheyur evam asyaiṣa mṛtpātraviniyoga iti patnya bhavatīty āhāśmarathyaḥ
- 2
नेत्य् आहतुः काण्वगोपायनौ
nety āhatuḥ kāṇvagopāyanau
- 3
यदैव कार्माभ्य् अध्वर्युर्विहितस्तदैव सर्वक्रतून्प्रत्य् आपदो विहिताः
इत्य् आहुर् आचार्याः
yadaiva kārmābhy adhvaryurvihitastadaiva sarvakratūnpraty āpado vihitāḥ
ity āhur ācāryāḥ
- 4
अथ कथम् अस्याम् आपत्तौ यथैव शरीरादर्शने वा समाम्नातानाम् आपदां कथं तत्र पात्रविनियोगं प्रतीयाद् इत्य् आहाश्मरथ्यः
atha katham asyām āpattau yathaiva śarīrādarśane vā samāmnātānām āpadāṃ kathaṃ tatra pātraviniyogaṃ pratīyād ity āhāśmarathyaḥ
- 5
अरण्योर् अग्नीन्समारोप्य शरीराणाम् अर्धम् ॥॥। एषा तूष्णीं निर्मथ्य प्रज्वाल्य विहृत्य मध्ये ऽग्नीनाम् एधांश्चित्वा दर्भान्संस्तीर्य तत्रास्य शरीराणि निदध्युः
araṇyor agnīnsamāropya śarīrāṇām ardham ||||| eṣā tūṣṇīṃ nirmathya prajvālya vihṛtya madhye 'gnīnām edhāṃścitvā darbhānsaṃstīrya tatrāsya śarīrāṇi nidadhyuḥ
- 6
भारुण्डसामानि गापयेत्
bhāruṇḍasāmāni gāpayet
- 7
यद्य् अगाथः स्याद् अथाप्य् असाम कुर्यात्
yady agāthaḥ syād athāpy asāma kuryāt
- 8
शरीरादर्शने पालाशत्सरूण्य् आहृत्याथैतानि पुरुषाकृतीनि कृत्वा घृतेनाभ्यज्य मांसत्वगस्थ्य् अस्य घृतं च भवतीति ह विज्ञायते
śarīrādarśane pālāśatsarūṇy āhṛtyāthaitāni puruṣākṛtīni kṛtvā ghṛtenābhyajya māṃsatvagasthy asya ghṛtaṃ ca bhavatīti ha vijñāyate
- 9
यद्य् आहवनीयो देवलोकं यदि दक्षिणाग्निः पितृलोकं यदि गार्हपत्यो मानुष्यलोकं
yady āhavanīyo devalokaṃ yadi dakṣiṇāgniḥ pitṛlokaṃ yadi gārhapatyo mānuṣyalokaṃ
- 10
यदि युगपत्सर्वेष्व् अस्य लोकेष्व् अवरुद्धं भवतीति ह विज्ञायते
yadi yugapatsarveṣv asya lokeṣv avaruddhaṃ bhavatīti ha vijñāyate
- 11
तस्माद्युगपद् एव सर्वांत्सादयित्वाथ यद्य् एनम् अन्वालभेत पुनर्दहेत्
tasmādyugapad eva sarvāṃtsādayitvātha yady enam anvālabheta punardahet
- 12
स्तेनम् इव त्व् एव ब्रूयात्
stenam iva tv eva brūyāt
- 13
यत्किं चाविधिविहितं कर्म क्रियते तस्यैषैव सर्वस्य कॢप्तिः सर्वस्य प्रायश्चित्तिश्चेति हि श्रुतिर्भवति
yatkiṃ cāvidhivihitaṃ karma kriyate tasyaiṣaiva sarvasya kḷptiḥ sarvasya prāyaścittiśceti hi śrutirbhavati
- 14
अथाप्य् अत्राग्नेर् अयता सोमतनूर्भवति
athāpy atrāgner ayatā somatanūrbhavati
- 15
समन्वागमेवावां कर्मसु सम् अन्व् आत्रागमयेत्
samanvāgamevāvāṃ karmasu sam anv ātrāgamayet
- 16
यत्किंचिद्यज्ञे विरिष्टम् आपद्येत तस्यैषैव सर्वस्य कॢप्तिः सर्वस्य प्रायश्चित्तिश्च
इति हि श्रुतिर्भवति
yatkiṃcidyajñe viriṣṭam āpadyeta tasyaiṣaiva sarvasya kḷptiḥ sarvasya prāyaścittiśca
iti hi śrutirbhavati

