27 shlokas
- 1
अथ यो ऽग्निहोत्रेणोदेति स्वर्गं वा एष लोकं यजमानम् अभिवहति
atha yo 'gnihotreṇodeti svargaṃ vā eṣa lokaṃ yajamānam abhivahati
- 2
नाहुत्वावर्तेत
nāhutvāvarteta
- 3
स यद्य् आवर्तेत स्वर्गाद् एवैनं तल्लोकाद् आवर्तेत
sa yady āvarteta svargād evainaṃ tallokād āvarteta
- 4
अथ यस्याग्निहोत्रं हूयमानं स्कन्देत्का तत्र प्रायश्चित्तिः
atha yasyāgnihotraṃ hūyamānaṃ skandetkā tatra prāyaścittiḥ
- 5
अपरेणाहवनीयं दक्षिणं जान्व् आच्योपविशति
apareṇāhavanīyaṃ dakṣiṇaṃ jānv ācyopaviśati
- 6
यत्स्रुच्य् अतिशिष्टं स्यात्तज्जुहुयात्
yatsrucy atiśiṣṭaṃ syāttajjuhuyāt
- 7
अथ यत्रैवावस्कन्नं भवति तं देशम् अभिविमृज्य विमृग्वरीं पृथिवीम् आवदामीति प्राङ्मुखोपविश्याग्निर्भूम्याम् इति तिसृभिर् आलभ्याभिमन्त्रयेत
atha yatraivāvaskannaṃ bhavati taṃ deśam abhivimṛjya vimṛgvarīṃ pṛthivīm āvadāmīti prāṅmukhopaviśyāgnirbhūmyām iti tisṛbhir ālabhyābhimantrayeta
- 8
अथ चेत्सर्वम् एव स्कन्नं स्याद्यच्चरुस्थाल्याम् अतिशिष्टं स्यात्तज्जुहुयात्
atha cetsarvam eva skannaṃ syādyaccarusthālyām atiśiṣṭaṃ syāttajjuhuyāt
- 9
अथाहवनीय आज्याहुतिं जुहुयात्
athāhavanīya ājyāhutiṃ juhuyāt
- 10
यन्मे स्कन्नम् इत्य् एतयर्चा
yanme skannam ity etayarcā
- 11
यन्मे स्कन्नं मनसो जातवेदो यद्वा ऽस्कन्दद्धविषो यत्र यत्र उत्प्रुषो विप्रुषः संजुहोमि सत्याः सन्तु यजमानस्य कामाः स्वाहेति
yanme skannaṃ manaso jātavedo yadvā 'skandaddhaviṣo yatra yatra utpruṣo vipruṣaḥ saṃjuhomi satyāḥ santu yajamānasya kāmāḥ svāheti
- 12
अथ यस्याग्निहोत्रे ऽमेध्यम् आपद्येत का तत्र प्रायश्चित्तिः
atha yasyāgnihotre 'medhyam āpadyeta kā tatra prāyaścittiḥ
- 13
अपरेणाहवनीयम् उष्णम् इव भस्म निरूह्य तत्र ताम् आहुतिं जुहुयात्
apareṇāhavanīyam uṣṇam iva bhasma nirūhya tatra tām āhutiṃ juhuyāt
- 14
तद्धुतं चाहुतं च भवति
taddhutaṃ cāhutaṃ ca bhavati
- 15
यच्चरुस्थाल्याम् अतिशिष्टं स्यात्तज्जुहुयात्
yaccarusthālyām atiśiṣṭaṃ syāttajjuhuyāt
- 16
अथ चेच्चरुस्थाल्याम् एवामेध्यम् आपद्येत का तत्र प्रायश्चित्तिः
atha ceccarusthālyām evāmedhyam āpadyeta kā tatra prāyaścittiḥ
- 17
तत्तथैव हुत्वाथान्याम् आहूय दोहयित्वा श्रपयित्वा तद् अस्मै तत्रैवासीनायान्वाहरेयुः
tattathaiva hutvāthānyām āhūya dohayitvā śrapayitvā tad asmai tatraivāsīnāyānvāhareyuḥ
- 18
अथ ऊर्ध्वं प्रसिद्धम् अग्निहोत्रम्
atha ūrdhvaṃ prasiddham agnihotram
- 19
अथ यस्याहवनीयगार्हपत्याव् अन्तरेण यानो वा रथो वा निवर्तेत श्वा वान्यो वाभिधावेत्का तत्र प्रायश्चित्तिः
atha yasyāhavanīyagārhapatyāv antareṇa yāno vā ratho vā nivarteta śvā vānyo vābhidhāvetkā tatra prāyaścittiḥ
- 20
मन्त्रवन्ति च कार्याणि सर्वाण्य् अध्ययनं च यत्
नान्तरागमनं तेषां साधु विच्छेदनाद्भयम्
mantravanti ca kāryāṇi sarvāṇy adhyayanaṃ ca yat
nāntarāgamanaṃ teṣāṃ sādhu vicchedanādbhayam
- 21
इति गार्हपत्याद् अध्य् आहवनीय उदतन्तुं निषिञ्चन् इयात्
iti gārhapatyād adhy āhavanīya udatantuṃ niṣiñcan iyāt
- 22
तन्तुं तन्वन्रजसो भानुम् अन्व् इहि ज्योतिष्मतः पथो रक्ष धिया कृतान्
अनुल्बणं वयत जोगुवाम् अपः
मनुर्भव जनया दैव्यं जनम्
tantuṃ tanvanrajaso bhānum anv ihi jyotiṣmataḥ patho rakṣa dhiyā kṛtān
anulbaṇaṃ vayata joguvām apaḥ
manurbhava janayā daivyaṃ janam
- 23
तन्वंस्तन्तुर् उप सेदुर् अग्ने त्वं पथा रजसि देवयानः
त्वयाग्ने पृष्ठं वयम् आरुहेमाधा देवैः सधमादं मदेम
tanvaṃstantur upa sedur agne tvaṃ pathā rajasi devayānaḥ
tvayāgne pṛṣṭhaṃ vayam āruhemādhā devaiḥ sadhamādaṃ madema
- 24
स्वाहेति सर्वत्रैतत्प्रायश्चित्तम् अन्तरागमने स्मृतम्
svāheti sarvatraitatprāyaścittam antarāgamane smṛtam
- 25
यज्ञस्य संततिर् असि यज्ञस्य त्वा संतत्या संतनोमि
yajñasya saṃtatir asi yajñasya tvā saṃtatyā saṃtanomi
- 26
वसूनां रुद्राणाम् आदित्यानां मरुताम् ऋषीणां भृगूणाम् अङ्गिरसाम् अथर्वणां ब्रह्मणः संततिर् असि ब्रह्मणस्त्वा संतत्या संतनोमि
vasūnāṃ rudrāṇām ādityānāṃ marutām ṛṣīṇāṃ bhṛgūṇām aṅgirasām atharvaṇāṃ brahmaṇaḥ saṃtatir asi brahmaṇastvā saṃtatyā saṃtanomi
- 27
यन्मे छिद्रं मनसो यच्च वाचः सरस्वती मन्युमन्तम्जगाम विश्वैस्तद्देवैः सह संविदानः संदधातु बृहस्पतिः
yanme chidraṃ manaso yacca vācaḥ sarasvatī manyumantamjagāma viśvaistaddevaiḥ saha saṃvidānaḥ saṃdadhātu bṛhaspatiḥ

