Apastamba Shrauta Sutra · Khanda 22 6.22.1
6.22.1अग्ने रुचां पते नमस्ते रुचे रुचं मयि धेहि
अर्वाग्वसो स्वस्ति ते पारम् अशीयार्वाग्वसो स्वस्ति ते पारम् अशीयार्वाग्वसो स्वस्ति ते पारम् अशीय
तन्तुर् असि ततो मा छित्था असौ स्वस्ति ते ऽस्त्व् असौ स्वस्ति ते ऽस्त्व् असौ स्वस्ति ते ऽस्त्व् इति पुत्राणां नामानि गृह्णाति त्रिस्त्रिर् एकैकस्य
स्वस्ति वो ऽस्तु ये माम् अनुस्थ षण्मोर्वीर् अंहसस्पान्तु द्यौश्च पृथिवी चापश्चौषधयश्चोर्क्च सूनृता च
यथा ह त्यद्वसवो गौर्यं चित्पदि षिताम् अमुञ्चता यजत्राः
एवो ष्व् अस्मन्मुञ्चता व्यंहः प्र तार्य् अग्ने प्रतरं न आयुः
वयः सुपर्णा उप सेदुर् इन्द्रं प्रियमेधा ऋषयो नाधमानाः
अप ध्वान्तम् ऊर्णुहि पूर्धि चक्षुर्मुमुग्ध्य् अस्मान्निधयेव बद्धान्
अग्न आयूंषि पवसे दधिक्राव्णो अकारिषम् इति द्वे ममाग्ने वर्चो विहवेष्व् अस्त्व् इति चतस्रो ऽग्नीषोमाव् इमं सु म इत्य् एषा
तत्सवितुर्वृणीमहे वयं देवस्य भोजनम्
श्रेष्ठं सर्वधातमं तुरं भगस्य धीमहि
अस्य हि स्वयशस्तरं सवितुः कच्चन प्रियम्
न मिनन्ति स्वराज्यम्
Transliteration
agne rucāṃ pate namaste ruce rucaṃ mayi dhehi
arvāgvaso svasti te pāram aśīyārvāgvaso svasti te pāram aśīyārvāgvaso svasti te pāram aśīya
tantur asi tato mā chitthā asau svasti te 'stv asau svasti te 'stv asau svasti te 'stv iti putrāṇāṃ nāmāni gṛhṇāti tristrir ekaikasya
svasti vo 'stu ye mām anustha ṣaṇmorvīr aṃhasaspāntu dyauśca pṛthivī cāpaścauṣadhayaścorkca sūnṛtā ca
yathā ha tyadvasavo gauryaṃ citpadi ṣitām amuñcatā yajatrāḥ
evo ṣv asmanmuñcatā vyaṃhaḥ pra tāry agne prataraṃ na āyuḥ
vayaḥ suparṇā upa sedur indraṃ priyamedhā ṛṣayo nādhamānāḥ
apa dhvāntam ūrṇuhi pūrdhi cakṣurmumugdhy asmānnidhayeva baddhān
agna āyūṃṣi pavase dadhikrāvṇo akāriṣam iti dve mamāgne varco vihaveṣv astv iti catasro 'gnīṣomāv imaṃ su ma ity eṣā
tatsaviturvṛṇīmahe vayaṃ devasya bhojanam
śreṣṭhaṃ sarvadhātamaṃ turaṃ bhagasya dhīmahi
asya hi svayaśastaraṃ savituḥ kaccana priyam
na minanti svarājyam
By System Admin
Translation
Draft in progress