Sanskrit

वर्चो ऽसि वर्चो मयि धेह्य् आयुकृद् आयुःपत्नी स्वधा वो गोप्त्र्यो मे स्थ गोपायत मा रक्षत मात्मसदो मे स्थ

मा नः कश्चित्प्रघान्मा प्रमेष्मह्य् उप प्रत्नम् उप भूर्भुवः सुवर् आयुर्मे यच्छतेति सर्वान् उपस्थायोत्तरेणानुवाकेनाहवनीयं घर्मा जठरान्नादं माम् अद्यास्मिञ्जने कुरुतम् अन्नादो ऽहम् अद्यास्मिञ्जने भूयासम् अनन्नादः स यो ऽस्मान्द्वेष्टि

कवी मातरिश्वाना पशुमन्तं माम् अद्यास्मिञ्जने कुरुतं पशुमान् अहम् अद्यास्मिञ्जने भूयासम् अपशुः स यो ऽस्मान्द्वेष्टि

यमाङ्गिरसा यशस्विनं माम् अद्यास्मिञ्जने कुरुतं यशस्व्य् अहम् अद्यास्मिञ्जने भूयासम् अयशाः स यो ऽस्मान्द्वेष्टि

अग्ने यो नो अन्ति शपति यश्च दूरे समानो अग्ने अरणो दुरस्युः

वैश्वानरेण सयुजा सजोषास्तं प्रत्यञ्चं संदह जातवेदः

अग्ने यत्ते ऽर्चिस्तेन तं प्रत्यर्च यो ऽस्मान्द्वेष्टि यं च वयं द्विष्मो ऽग्ने यत्ते शोचिस्तेन तं प्रतिशोच यो ऽस्मान्द्वेष्टि यं च वयं द्विष्मो ऽग्ने यत्ते तपस्तेन तं प्रतितप यो ऽस्मान्द्वेष्टि यं च वयं द्विष्मो ऽग्ने यत्ते हरस्तेन तं प्रतिहर यो ऽस्मान्द्वेष्टि यं च वयं द्विष्मो ऽग्ने यत्ते तेजस्तेन तं प्रतितितिग्धि यो ऽस्मान्द्वेष्टि यं च वयं द्विष्मः

Transliteration

varco 'si varco mayi dhehy āyukṛd āyuḥpatnī svadhā vo goptryo me stha gopāyata mā rakṣata mātmasado me stha

mā naḥ kaścitpraghānmā prameṣmahy upa pratnam upa bhūrbhuvaḥ suvar āyurme yacchateti sarvān upasthāyottareṇānuvākenāhavanīyaṃ gharmā jaṭharānnādaṃ mām adyāsmiñjane kurutam annādo 'ham adyāsmiñjane bhūyāsam anannādaḥ sa yo 'smāndveṣṭi

kavī mātariśvānā paśumantaṃ mām adyāsmiñjane kurutaṃ paśumān aham adyāsmiñjane bhūyāsam apaśuḥ sa yo 'smāndveṣṭi

yamāṅgirasā yaśasvinaṃ mām adyāsmiñjane kurutaṃ yaśasvy aham adyāsmiñjane bhūyāsam ayaśāḥ sa yo 'smāndveṣṭi

agne yo no anti śapati yaśca dūre samāno agne araṇo durasyuḥ

vaiśvānareṇa sayujā sajoṣāstaṃ pratyañcaṃ saṃdaha jātavedaḥ

agne yatte 'rcistena taṃ pratyarca yo 'smāndveṣṭi yaṃ ca vayaṃ dviṣmo 'gne yatte śocistena taṃ pratiśoca yo 'smāndveṣṭi yaṃ ca vayaṃ dviṣmo 'gne yatte tapastena taṃ pratitapa yo 'smāndveṣṭi yaṃ ca vayaṃ dviṣmo 'gne yatte harastena taṃ pratihara yo 'smāndveṣṭi yaṃ ca vayaṃ dviṣmo 'gne yatte tejastena taṃ pratititigdhi yo 'smāndveṣṭi yaṃ ca vayaṃ dviṣmaḥ

By System Admin

Translation

Draft in progress